Nota de Prensa
O BNG PREOCUPADO POLO LEVANTAMENTO DA SUSPENSION DE LICENZAS SEN TER O PLAN XERAL APROBADO
Culpa ao grupo de goberno dunha pasividade irresponsable
O día 3 de maio remata o prazo de dous anos de suspensión das licenzas urbanísticas no Concello de Foz que se produciu a consecuencia da aprobación inicial do Plan Xeral de Ordenación Municipal. Durante todo este tempo, o grupo socialista de goberno non foi capaz de axilizar os trámites e de chegar a acordos cos grupos da oposición e cos veciños para aprobar definitivamente o Plan Xeral e non chegar a esta situación esperpéntica e que pode supoñer un grave prexuízo para o urbanismo de Foz.
Para o BNG é unha irresponsabilidade máis do grupo de goberno que non se tomou en serio desde un principio o sacar o Plan para diante. Desde o mes de setembro do ano pasado os grupos de traballo do Plan foron presentando as súas propostas para que os redactores do Plan as informaran pero ao día de hoxe aínda non sabemos nada deste tema. A última información que o alcalde nos deu foi que ían a estar informadas a finais do mes de febreiro pero pasaron xa dous meses e aínda están sen presentar. Desde o BNG considerase esta tardanza unha falta de consideración a todos os grupos de traballo que puxeron moito tempo e diñeiro para intentar mellorar o PXOM.
A pesares das advertencias do BNG, diante da previsión de que o Plan non estaría aprobado definitivamente antes do levantamento da suspensión, o grupo de goberno non reaccionou ata o pasado o día 22 deste mes solicitando da Consellaría de Política Territorial iniciar o expediente para suspender, en todo ou en parte, a vixencia das Normas Subsidarias de Foz do ano 1981 que volverán a ter vixencia o próximo 3 de maio. Dita solicitude vai acompañada dun informe do arquitecto municipal onde se pon en coñecemento os perigos dunha desfeita urbanística a partir desa data se se levanta a suspensión de licenzas por non adaptarse as Normas á legalidade e por estar totalmente obsoletas. Entre estas razóns repítese neste informe o que xa o BNG ten denunciado en moitas ocasións cando denunciaba que as NN.SS. de Foz deberían estar adaptadas á Lei do Solo desde o 2006 e que provocou o urbanismo actual de Foz: inseguridade xurídica, non distinguir entre solo urbano consolidado e non consolidado, a clasificación dos núcleos rurais non se adecúan á normativa, degradación medioambiental, etc.
O levantamento da suspensión e entrada novamente en vigor das normas subsidarias vai a traer consecuencias moi graves urbanísticamente posto que vai supor que Foz vai a seguir medrando de forma irracional e desproporcionada e, o que é máis grave, de forma ilegal. Por outro lado, esperase que a partir do día 3 de maio haxa numerosas solicitudes de licenzas urbanísticas, a maioría de vivendas unifamiliares, que van a dar co traste co Plan Xeral posto que moitas non van a adaptarse ao mesmo e terá que ser o Plan quen despois teña que modificarse adaptándose ás todas estas novas edificacións. A medida de paralizar o planeamento está tomada “tarde, mal e arrastro” e supón unha medida desesperada de última hora dun mal que xa está feito.
Así pois, para o BNG esta claro que se o Plan non está aprobado a estas alturas é polo abandono e a incapacidade do grupo de goberno. E se agora nos atopamos nunha nova situación de desfeita urbanística é porque o grupo de goberno actuou con premeditación, nocturnidade, alevosía e falta de previsión nun tema tan fundamental para Foz como é a ordenación urbanística.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
