NOTA DE PRENSA
Alberto Núñez Feijóo designa ao deputado popular para esta nova responsabilidade como mostra do apoio e a confianza do líder dos populares galegos nas tarefas desenvolvidas ata o momento por Jose Manuel Balseiro
BALSEIRO OSTENTARÁ A PORTAVOCÍA DO MAR DO GRUPO PARLAMENTARIO POPULAR
* O nova portavocía do Mar amplía ás súas competencias engadindo ás cuestións sobre pesca e aos asuntos marítimos todo o relacionado cos portos galegos, que antes dependía do voceiro de Política Territorial.
A Mariña, 05 de maio de 2009.- O líder dos populares galegos, Alberto Núñez Feijóo, designou na mañá de hoxe a Jose Manuel Balseiro Orol como novo voceiro do Mar. Deste xeito, o deputado mariñán ampliará as responsabilidades que viña ostentando na lexislatura pasada, xa que ás cuestións sobre a pesca e os asuntos marítimos esta nova portavocía engádelle todo o relacionado cos portos galegos, que antes dependían do voceiro de Política Territorial.
APOIO E CONFIANZA
A designación do Presidente Feijóo é un xesto de apoio e confianza do líder dos populares galegos ao deputado mariñán que vén a reforzar o seu protagonismo parlamentario xa que defenderá e será impulsor de novas iniciativas e propostas, non só relacionadas co mundo do mar senón tamén, no ámbito da Mariña lucense.
Feijóo deu conta dos nomes dos distintos portavoces parlamentarios ao remate dunha reunión celebrada esta mañá na Cámara galega cos deputados do Grupo Popular. Durante a mesma o número un dos populares galegos pechou o reparto de responsabilidades que corresponderá a cada un dos voceiros parlamentarios ao longo da actual lexislatura.
Na asignación de responsabilidades pechada esta mañá, evitouse a duplicidade de cargos entre o Goberno e o Parlamento. “Non só –aclarou Feijóo- porque a tarefa de Goberno esixe dedicación plena, senón tamén porque outorgamos todo o valor que merece á tarefa de deputado”.
MOTOR DO PARLAMENTO
Desde a formación política popular lembraron que continúan sendo o grupo maioritario da Cámara galega e como tal están chamada a ser, durante os próximos catro anos, o “motor do Parlamento”. De feito Alberto Núñez Feijóo adiantou que “as novas funcións e responsabilidades que se lle asignan a este Grupo, que sustenta ao Goberno, non poderán supoñer en ningún caso un motivo de relaxación na nosa actividade, senón todo o contrario; deben servir como estímulo para que esta lexislatura sexa aínda máis frutífera en propostas e máis atractiva parlamentariamente”
PREMIO AO TRABALLO DESENVOLVIDO ATA O MOMENTO
Precisamente, a nova portavocía do Mar debe entenderse como premio ao traballo desenvolvido durante a pasada lexislatura na que Balseiro Orol foi un dos deputados máis activos e que máis iniciativas parlamentarias rexistrou na Cámara. A partir deste momento, Balseiro Orol asume esta nova responsabilidade de grande relevancia dentro do Grupo Parlamentario.
A devandita portavocía poderá compaxinala con outros cargos orgánicos dentro do partido a nivel provincial, como é o caso da Secretaría Xeral e tamén coas funcións de Secretario da Mesa do Parlamento, órgano de dirección da Cámara autonómica.
GARANTE DO PROGRAMA ELECTORAL
O presidente do Grupo Parlamentario Popular, Alberto Núñez Feijóo, encomendou aos seus deputados que velen porque o novo Executivo autonómico sexa consecuente cos compromisos adquiridos cos cidadáns que lle outorgaron a maioría absoluta o pasado 1 de marzo. “O Grupo Popular –engadiu- deberá exercer como garante de que o dito será feito; e facer que o Parlamento sexa unha auténtica Cámara de representación da vontade popular e, por tanto, seguir e levar a iniciativa”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
