RIBADEO (FNC) .- Ribadeo acollerá os días 16 e 17 de maio o IV Torneo Élide de Fútbol Veterano no que participan 21 equipos galegos e asturianos. Os partidos vanse disputar no estadio municipal Pepe Barrera de Ribadeo, no Campo do Outeiro na Devesa e no campo de fútbol Trenor de Barres (Asturias).
A primeira fase do torneo desenvolverase desde as 11 da mañá ata as 10 da noite e disputarase simultaneamente nos tres recintos dispostos para a competición. Ao final da xornada celebrarase a tradicional churrascada gratuíta para os participantes. A segunda fase, que se disputará integramente no estadio Pepe Barrera, comezará cos cuartos de final o domingo 17 de maio ás 12 da mañá, e despois serán as semifinais e a final que se disputará ás 7 da tarde, despois de xogaren dous equipos de mini-benxamíns da S.D.Ribadeo.
O peche desta cuarta edición do torneo terá lugar coa entrega de trofeos que se celebrará ás 8 da tarde.
Os equipos participantes de veteranos son (pola parte galega): Ribadeo F.C., S.D.Ribadeo, Cangas de Foz, S.D.Burela, Concello de Barreiros, C.D.Foz, U.D.Río Ouro, P.C.Box de Lugo, Monforte Veteranos e un conxunto da Garda Civil. E os asturianos son: Luarca C.F., Puerto de Vega C.F., Cudillero C.F., C.D.Llanes, Vegadeo C.F., Real Tapia, Colegio de Economistas de Asturias, Marino de Luanco e os conxuntos xixonenses do Colegio Inmaculada, Colegio Covadonga e o Colegio de Abogados.
Os equipos serán distribuidos en sete grupos de tres escuadras e pasarán a cuartos de final os campións de cada grupo e o mellor segundo. Os partidos terán unha durante de 45 minutos.
O Torneo Élide de Fútbol Veteranos está organizado pola Asociación Deportiva Veteranos do Ribadeo F.C, e conta coa colaboración do Ribadeo F.C., S.D.Ribadeo, Élide Deportes, Concellaría de Deportes de Ribadeo, Consellería de Cultura e Deporte da Xunta, Fundación Deporte Galego, Fundación Comarcal A Mariña Oriental e Deputación Provincial de Lugo.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
