CERVO .- Auditorio Municipal de San Ciprián acolle o domingo día 17 de maio, ás 20:00 horas, co gallo da celebración do Día das Letras Galegas, un concerto do grupo “Urtika”, formación que naceu no ano 2007, na veciña Ortigueira. Tamén intervirá Xacobo Casal que interpretará varios poemas en recordo da obra e mensaxe de Ramón Piñeiro.
NOTA DE PRENSA
A Concellaría de Cultura e Xuventude colabora cos distintos colectivos culturais que desenvolven actividades culturais nesta xornada festiva
RECITAL DE MÚSICA A CARGO DO GRUPO “URTIKA” CO GALLO DO DÍA DAS LETRAS GALEGAS
• Tamen Intervendrá XACOBO CASAL que interpretará varios poemas en recordo da obra e mensaxe de RAMON PIÑEIRO.
• A cita terá lugar a partir das 20 horas no Auditorio da Casa da Cultura de San Ciprián.
Cervo, 16 de maio de 2009.- O Auditorio Municipal de San Ciprián acolle o domingo día 17 de maio, ás 20:00 horas, co gallo da celebración do Día das Letras Galegas, un concerto do grupo “Urtika”, formación que naceu no ano 2007, na veciña Ortigueira. Os seus compoñentes, a través da súa voz e os sons das guitarras, flauta, clarinete, saxo, maracas, bombo e piano, farán unha viaxe polos espazos da cultura musical de distintos continentes, tal e como no seu día tiveron que facer moitos galegos.
A Concelleria de Cultura e Xuventude colabora xunto coa Asociación Cultural “O Aventados” nesta velada, na que tamén destacará a intervención de XACOBO CASAL, quen lembrará a obra e a mensaxe do homenaxeado Ramon Piñeiro, interpretando varios poemas e pezas literarias.
A edil Chelo Gallego apuntou: “Cando son os propios colectivos culturais do noso concello os que asumen o protagonismo de organizar actividades en conmemoración do 17 de maio, a nosa obriga é colaborar con eles, promover o seu traballo, e agradecer a súa implicación. Temos un tecido asociativo dinámico e comprometido co seu pobo que nos convida a gozar de múltiples e variados espectáculos nesta xornadas festiva”
PULO A ACTIVIDADE ASOCIATIVA
Segundo explicou a concelleira de Cultura e Xuventude nesta mesma liña de apoio ás asociacións culturais, o Concello de Cervo colabora na organización de diversos eventos con poesía, música e lecturas varias que se irán realizando o longo do mes.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
