RIBADEO (FNC) .-. O Concello de Ribadeo fixo entrega duns 800 exemplares do libro A ría de Ribadeo. Natureza entre dúas augas que escribiu José Mª Fernández Díaz-Formenti. No acto celebrado esta mañá no Concello o rexedor sinalou que o autor desta publicación de 264 páxinas sobre a ría de Ribadeo “é unha persoa naturalista cunha experiencia moi ampla neste tipo de publicacións. Esta foi levada adiante entre o Leader que formamos Castropol e Ribadeo co outro Ceder Oscos-Eo”. Fernando Suárez explicou que “a iniciativa xurdiu hai dous anos e agora viu a luz cunha edición magnífica, cunha fotografía e uns textos envidiables que queremos que a poboación, singularmente os alumnos do noso concello poidan ter a posibilidade de participar disto. Imos agasallar cun exemplar aos alumnos de ESO”.
Suárez Barcia sinalou que “este libro intenta explicar a ría de Ribadeo, a importancia deste esteiro desde o punto de vista ornitolóxico que motivou a súa inscrición como zona de especial protección de aves, tamén está recoñecida como lugar de interese comunitario, está tamén incluída na rede europea de espazos protexidos, o que se chama rede natura 2000, e xa desde decembro de 2007 a UNESCO decidiu incluír a ría de Ribadeo xunto con outros territorios como reserva da biosfera”.
O alcalde ribadense asegurou que “o que persigue este libro é achegar o lector á natureza asociada a este imporante esteiro para facilitar a súa comprensión como ecosistema en si e a identificación das diferentes especies que o habitan, tanto desde o punto de vista da xeoloxía, da influencia das mareas, dos ambientes que se crean… E tamén forman parte do libro unha serie de fichas descritivas da flora e da fauna máis notables do lugar”. Fernando Suárez pensa que “é unha publicación que vai máis alá e que permite gozar mediante o coñecemento da nosa ría, desta ría de todos, moitas veces descoñecida. Creo que as administracións públicas a través deste traballo ou desta idea que está cobrando forma de poder recuperar a ruta do tren mineiro que permita comunicar Ribadeo con A Pontenova, recuperando unha ruta esquecida desde hai moitos anos pero unha vez que se poña en valor será unha atalaia, será un lugar magnífico para divisar a nosa ría que moitas veces para a nosa xente de aquí é unha grande descoñecida”.
O rexedor cre que “elementos como estas obras que se empezarán a facer e estas publicacións de corte medio ambiental para dar a coñecer a ría é polo que hoxe convocamos aos directores dos centros para facerlles entrega de 800 libros para que fagan bo uso, boa difusión científica, medio ambiental e educativa do noso entorno natural”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
