Nota de Prensa
O PP de Cervo emendará as mocións do BNG sobre a lingua e en solidariedade cos traballadores afectados polo ERE de Sargadelos, buscando mellorar o acordo final e a acción do Goberno municipal en cada un destas aspectos
OS POPULARES APOSTAN POLO BILINGÜÍSMO INTEGRADOR E POR UN APOIO AMPLO E AMBICIOSO AOS TRABALLADORES DA CERÁMICA DE SARGADELOS NAS SÚAS EMENDAS ÁS MOCIÓNS DO BNG
• O PP reafirma a súa defensa do idioma galego, a súa promoción e impulso pero rexeita calquera tipo de utilización da lingua como arma de enfrontamento, división ou imposición. Subliña que a heteroxénea sociedade cervense –con xente procedente de distintas comunidades- e a libre opción lingüística dos veciños debe ser un exemplo de bilingüísmo integrador.
• Os populares queren que a Corporación Municipal dea pulo ás labores de interlocución entre a xerencia, traballadores e Xunta que está a desenvolver o Goberno municipal, na procura de garantir a viabilidade da empresa, e reclama a implicación de todas as administracións públicas a través de diversas fórmulas de apoio a este proxecto empresarial.
Cervo, 13 de maio de 2009.- O Partido Popular presentou dúas emendas ás mocións do BNG que serán obxecto de debate na Sesión Plenaria do Concello de Cervo prevista para as 19.30 horas desta tarde. A primeira delas muda substancialmente á petición dos nacionalistas de apoiar a manifestación convocada pola Mesa para a Normalización Lingüística en Santiago de Compostela e, a segunda delas, ten por obxecto establecer un máis amplo apoio dos edís cervenses aos traballadores e traballadoras da Cerámica de Sargadelos que están a verse afectados por un Expediente de Regulación de Emprego.
BILINGÜÍSMO INTEGRADOR, COMO A CIDADANÍA DE CERVO
Os populares están a favor de que a Corporación Municipal manifeste a súa vontade na defensa do idioma galego, a súa promoción e impulso. En todo caso engaden que os cidadáns teñen apostado co seu voto e co seu comportamento polo uso pacífico, libre e sen confrontacións das dúas linguas oficiais e, nese senso, consideran importante manifestar a renuncia a calquera tipo de utilización do idioma como arma de enfrontamento, división ou imposición, tal e como pretenden facer desde o BNG e as súas organizacións afíns.
Ao mesmo tempo a emenda do PP anima ao Goberno municipal a apoiar os esforzos que se estean a desenvolver desde as distintas administración públicas, organizacións sociais e colectivos, baseados na garantía dos dereitos lingüísticos de todos os galegos e galegas, isto é, promovendo un bilingüísmo integrador: ampliar o coñecemento por todos e todas de ambas linguas e no dereito a libre opción lingüística. “Precisamente a procedencia heteroxénea de moitos dos veciños do municipio, e a liberdade de opción dos cervenses, é un exemplo deste bilingüísmo que integra e non exclúe. Non debemos camiñar no senso contrario”
APOIO Á CERÁMICA DE SARGADELOS CON AMBICIÓN
Por outra banda o Partido Popular entende que a Corporación Municipal ten que ser “moito máis ambiciosa” e adoptar un acordo que non só manifeste a solidariedade e apoio do Goberno municipal para cos traballadores e traballadoras da Cerámica de Sargadelos, senón tamén que ofreza fórmulas concretas capaces de superar a situación actual, caracterizada pola presentación dun Expediente de Regulación de Emprego.
Nese senso, a proposta dos populares incide no adiantado nas pasadas datas polo Alcalde de Cervo, Alfonso Villares: O Goberno municipal actuará como interlocutor entre a empresa, os representantes dos traballadores e a Xunta de Galicia –tal e como está a efectuar ata o momento- e “no obxectivo de garantir a viabilidade do proxecto empresarial e cultural que esta compañía representa, os dereitos laborais do seu cadro de persoal e o mantemento dos postos de traballo actuais.”
COMPROMISO DE TODOS
Ao mesmo tempo, a proposta popular é moito máis ambiciosa que a incorporada na moción do BNG e na emenda dos socialistas e busca o apoio ao Goberno municipal para que intermedie ante as distintas administracións públicas e nomeadamente, ante a Xunta de Galicia, o Goberno central e a Deputación Provincial de Lugo. Todas elas deben comprometer o seu apoio á cerámica de Sargadelos, en cuestións de índole laboral (defensa do mantemento dos postos de traballo), cultural (potenciación da labor cultural de Sargadelos en coordinación coa acción institucional das administracións públicas: Que todas as administracións poidan facer uso das súas figuras como agasallos, premios ou imaxes institucionais), industrial e económico (promoción do I+D+i e do desenvolvemento empresarial dunha empresa representativa da calidade galega no mundo)
O Goberno municipal busca que o compromiso coa cerámica de Sargadelos chegue a todas as administración públicas. Non só para manter o beneficio social que esta empresa reporta no tocante á creación de postos de traballo en Cervo, senón polo que Sargadelos e a súa cerámica significa para este concello e para toda Galicia.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
