RIBADEO (FNC) .- Ribadeo acollerá do 29 ao 31 de maio, por primeira vez, unha recreación da invasión das tropas napoleónicas para celebrar o bicentenario deste acontecemento. Segundo explicou a edil nacionalista, Mariluz Álvarez Lastra, na presentación do evento “xa no seu momento en febreiro realizamos actividades como charlas, visitas didácticas dos nenos do noso Concello e dos limítrofes dos que forman parte esas parroquias que participaron nesa batalla para dar a coñecer esa festividade. E quedábanos pendente outra actividade que dixemos que si eramos quen de organizar e de conseguir financiamento para poder efectuala pois a levaríamos adiante. E hoxe podemos presentar os actos que faremos coincidir coa data de celebración da festa das Cruces”.
A concelleira de Cultura manifestou que “as asociacións napoleónicas da Coruña serán as que se encargarán desta recreacións, tal e como fan coa batalla de Elviña. O venres 29 de maio a partires das 20:00 horas chegarán os recreadores a Ribadeo (unhas 40 ou 50 persoas) e haberá unha recepción na Casa do Concello por parte das autoridades. Eso quere dicir que os arredores da praza de España e do parque de San Francisco veranse ateigados destas persoas que xa virán ataviadas con traxes da época, polo tanto convidamos a todos os que queiran ver este acto a que se acheguen ás inmediacións do Concello”.
Mariluz Álvarez Lastra segueu a contar que “despois o sábado continuaremos ás 11:30 horas. Haberá a recreación dun campamento e a dotación dun forte da época no forte de San Damián, e estarán alí ata as 20:00 horas para que coñezamos como se vivía naquela época e a partires desa hora haberá un desfile polas rúas do casco vello da vila e a recreación da liberación do pobo da invasión francesa na Praza de España, onde poderemos ver tropas francesas, veciños da vila que loitaron contra eles, o exército e a cabalería que actuará ese día. Despois como paso previo á celebración da festa das Cruces en Arante, o domingo 31 de maio ás 12:30 horas descubrirase unha placa en conmemoración deste bicentenario nunha parte da igrexa e ás 13:00 horas haberá a recreación da batalla na Ponte”.
A edil de Cultura convida “a todos os veciños de Ribadeo e das parroquias e concellos limítrofes e aos do Occidente asturiano a que veñan disfrutar desta actividade recreativa que é a primeira vez que se celebra no noso concello. E sempre é bó volver a rememorar fitos históricos importantes para a nosa vila, coñecer a historia e que sexa unha actividade diferente a modo de evento simbólico e así poidamos achegarnos un pouco á realidade dos acontecementos que que tiveron lugar nesta época da historia”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
