LUGO .- A Deputación sorteará 24 viaxes en helicóptero entre as persoas que acudan ó stand de Km0 Xtreme, que estará na praza Maior de Lugo durante o “Arde Lucus”. Os gañadores poderán ir cun acompañante nestas viaxes que sobrevoarán a cidade de Lugo dentro dunha ruta especial que se celebrará o 16 de setembro. As 48 persoas que se beneficien desta iniciativa non terán que aboar os 50 euros que custa esta actividade, unha das poucas polas que hai que pagar dentro do Km0 Xtreme.
No posto, que estará ubicado nun lateral da Casa Consistorial, repartiranse folletos informativos sobre o programa de visitas Km0 e, moi especialmente, sobre a nova oferta desta iniciativa promovida pola Deputación denominada Km0 Xtreme. Son 14 novas rutas que poñerán en valor as Reservas da Biosfera a través do deporte e a multiaventura. Delas, 11 son de balde: “De Campamento”, “Na Diana”, “Oriéntate!”, “A Cabalo”, “Lánzate!”, “BTT”, “Globo Cautivo”, “Colle a Onda!” e “Móllate!”.
Ademais, hai tres rutas de pago que desenvolverán empresas asentadas na provincia de Lugo. A Diputación poñerá en contacto ós solicitantes con devanditas empresas para que poidan practicar deportes e multiaventura como: Submarinismo (139 euros); “Englóbate!” (175 euros para a viaxe de 1 hora e de 278 para a de 3) e “Lugo Aéreo”, voos de 15 minutos en helicóptero,(50 euros).
No posto, que estará aberto de venres a domingo, informarase a todos os interesados o procedemento para apuntarse. Deberán entrar na web: www.km0.deputacionlugo.org e descargar a folla de inscrición. Unha vez cuberta, deberán enviala á dirección de correo electrónico km0@deputacionlugo.org, por fax ó 982 26 01 70, ou por correo ordinario ó Servizo de Protocolo (rúa San Marcos 8, 27001 Lugo).
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
