LUGO .-O Plan Estratéxico da provincia, que está a elaborar a Deputación en colaboración con Caixa Galicia, celebrou este mércores no INLUDES unha nova mesa sectorial na que se analizará o estado actual das infraestruturas viarias na provincia, analizando as súas características técnicas, lonxitude, anchos de calzada, tipos de rede, competencia e titularidade da rede viaria, entre outras cuestións. En total son 21 mesas nas que, desde o mes de maio, os representantes socioeconómicos analizan a diagnose pormenorizada da provincia que se elaborou durante a primeira fase do Plan, e fan as súas propostas.
Na xornada de hoxe tamén se estudou a conectividade e a accesibilidade ós núcleos urbanos. Unha vez abordadas estas cuestións someteuse a debate as actuacións previstas no Plan Estratéxico de Infraestruturas de Transporte e no Plan Sectorial de Estradas de Galicia levado a cabo pola Xunta de Galicia. Procedeuse á análise de como se realiza a conservación e explotación da infraestrutura viaria, os problemas que se presentan, carencias e as posibles melloras. Tamén se trataron as formas de xestión de cada Administracións. Finalmente, abordouse a seguridade vial, as melloras obtidas neste campo nos últimos anos.
Equipamentos sociais e solo industrial
O xoves celebraranse as mesas sectoriais de “Servizos e Equipamentos Sociais” e de “Solo Industrial”, como parte da elaboración do Plan Estratéxico da provincia.
No primeiro caso, destacarase que Lugo atópase en niveis semellantes a Ourense, apreciándose diferenzas coas provincias da Coruña e de Pontevedra, debido ós niveis de poboación existentes. Neste senso, as zonas da provincia con mellores servizos son a zona centro e a zona norte. Para elaborar a diagnose recolléronse informacións indirectas como as actividades de restauración e bares, entidades de crétido ou número de teléfonos e liñas de
banda ancha, e información directa como servizos de recollida e lixo, recursos sanitarios, de educación, de cultura e recreo. A xornada de traballo dará comezo ás 12:00 horas.
En canto á de solo industrial, que se iniciará ás 17:00 horas, explicarase que Lugo é a provincia galega de menor dotación. Na actualidade existen 2.175.766 m2 de solo industrial. Así mesmo, están vendidos 883.765 m2 nos parques operativos, o que representa máis do 62% do total, aparecendo como superficie industrial libre 503.261 m2. Se incluímos os polígonos en execución e os que se atopan en trámite de realización arroxan un total de case 5 millóns de metros cadrados de solo industrial dispoñibles para a industria nos vindeiros anos.
Esta é a primeira vez que en Lugo se prepara un Plan Estratéxico que vai afrontar a provincia dun xeito global. Trátase dun documento importante porque recollerán a realidade desta provincia e os seus retos de cara o futuro. Está previsto que o documento estea rematado no mes de agosto.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
