O VICEDO .- A Rede de Dinamización da Sociedade da Información, en colaboración con concello do Vicedo, anuncia novos obradoiros de achegamento ás Novas Tecnoloxías que terán lugar no mes de xuño nesta localidade. Os obradoiros que se van desenvolver e as datas nas que terán lugar son os seguintes:
* “Iniciación á Informática: Linux”: ao finalizar este obradoiro o usuario será capaz de manexar con certa soltura os obxectos (arquivos, cartafoles, ferramentas …) e funcionalidades básicas que ofrece un computador, neste caso usando un sistema operativo baseado en Software Libre. Desenvolverase os luns, mércores e venres, do 8 ao 19 de xuño, de 10 a 11:30 horas.
* “Creación dunha conta correo electrónico”: con esta actividade preténdese que o usuario/a, ao finalizar este obradoiro, sexa capaz de crear e xestionar a súa propia conta de correo electrónico. Desenvolverase os martes e xoves, do 9 ao 18 de xuño, de 10 a 12 horas.
* “Iniciación a Internet”: con este obradoiro preténdese que o usuario/a ao finalizar sexa capaz de utilizar, de forma básica, aplicacións e ferramentas fundamentais relacionadas coa rede Internet. Vai ter lugar do 22 ao 30 de xuño, de luns a xoves, de 10:30 a 12 horas.
* “Manexo do escáner e gravación de CDs”: con este obradoiro preténdese que o usuario/a sexa capaz de escanear as súas imaxes e gardalas nun CD. Vai ter lugar do 22 ao 25 de xuño, de luns a venres, de 12 a 13 horas.
Asemade, está prevista a realización da charla “Que é Linux. Sistema operativo Ubuntu”. Esta, que terá lugar o día 19, ás 11:30 horas no Centro de Dinamización, consistirá nunha explicación dos sistemas operativos libres, qué son e cómo funcionan, poñendo de exemplo Ubuntu e Galinux.
O prazo de inscrición para estas actividades será até un día antes do comezo do obradoiro. Para inscribirse ou para solicitar máis información poden dirixirse ao Centro de Dinamización do Vicedo, sito na Casa da Cultura na rúa Cidade de Mondoñedo, chamar ao teléfono 982.590.195 ou mandar un correo electrónico ao enderezo tedy.ovicedo@dinamiza.sociedadedainformacion.eu.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
