BARREIROS (FNC) .- O vindeiro 1 de xullo abre as súas portas ao público en Barreiros a exposición permanente de Celso Dourado que se inaugura o 27 de xuño.
O denominado Eido Dourado consta de dous espazos diferenciados, segundo explica o propio artista, “hai un espazo que é o que ocupa a galería de arte que se divide en tres salas contiguas. Non é moi grande, pero ten interés a parte de pola obra exposta polas estruturas arquitectónicas da propia sala. Despois hai outro espazo que é o que ocupan dous xardíns visitables. Un de orientación alpina e outro de inspiración zen feito con gravilla de cuarzo. Todo esto responde a un binomio de autoconstrucción onde o contido e o continente forman parte do mesmo autor”.
Celso Dourado considera que se trata “dun un fito un pouco histórico na zona. Nunca se viu a creación dun espazo persoal aberto ao público en xeral. É un pouco cohabitar, é dicir, os espazos de creación coa propia obra exposta. Sempre a obra se despraza a grandes urbes e por primeira vez a obra pódese ver na zona rural, nun pobo sen máis. E o máis importante eu coido que é a característica que antes nomeei que quen fixo a edificación é o mesmo autor que fixo os cuadros e o que diseñou e prantou as prantas do xardín. É unha obra que se pode entender como global”.
O artista barreirense lembra que “a idea xurdiu alá polo ano 1985 tras un viaxe pola Suiza. Alí observei que cantidade de autores e de creadores autoconstruían os seus espazos para ter sempre unha obra permanente exposta ao público. Eu propúxenme facer algo similar e elixín o sitio na praia de A Pasada e alí escomencei a traballar. O proxecto alongóuse moito no tempo porque as dificultades eran grandes, sobre todo debido ao tema económico, mais o cariño posto na autoconstrucción foi moito e por eso levou a utilizar cantidade de materiais reciclados e nunca a renunciar ao proxecto inicial”.
Horarios
Eido Dourado poderase visitar a partires do 1 de xullo de 11:30 a 14:00 horas polas mañás e de 18:00 a 22:00 horas polas tardes, agás o luns que permanecerá pechado. Nesta exposición permanente, que abrirá en períodos vacacionais ou previa cita telefónica no 982 12 44 51, pódese ver “unha colección importante de distintas épocas e de distintas obras e técnicas. Non hai un fío condutor, foi unha selección de obras que eu fixen que pertencen á miña propia colección e que van estar expostas. É variado non hai un nexo entre todas elas nin tampouco unha data que as unifique, son de distintas épocas e distintas obras”.
Este espazo foi deseñado e autoconstruido polo pintor Celso Dourado con materiais reciclados na súa maior parte, no que a pedra e a madeira son protagonistas. Empregáronse vellas vigas, antigos postes do tendido eléctrico e travesas do ferrocarril recuperados.
A obra de Celso Dourado caracterízase polo uso dunha figuración surrealista, na que as mans son protagonistas. Ríndelle un culto especial á liña en detrimento da cor e destaca o emprego de técnicas pouco habituais como as pirografías ou as boligrafías.
Biografía
Celso Dourado naceu en Barreiros (Lugo). Aos oito anos sofriu un accidente que lle amputou ámbalas dúas mans, feito que marcará tanto a súa existencia como a súa obra. Estudia arte en Madrid, Lugo e A Coruña, expón con regularidade a partires dos anos 80, á vez que colabora como ilustrados en diferentes publicacións.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
