FOZ .- O delegado da Área de Deporte da Deputación, Antonio Veiga, participou este venres na presentación do II Campus de Verán de Patinaxe Artística que organiza a Asociación Escolas do Deporte e que se desenvolverá na localidade de Foz do 29 de xuño ao 3 de xullo. No acto tamén estiveron presentes, o presidente a agrupación organizadora, Iván García, a directora do campus e adestradora do Nivel 2 de Patinaxe Artística, Rebeca Díaz, e a concelleira de Xuventude e Deporte de Foz, Rosa Alonso.
Na súa intervención Antonio Veiga, amosouse moi satisfeito co traballo desenvolvido pola Asociación Escolas do Deporte que, “un ano máis, ofrécelle aos habitantes da comarca da Mariña a posibilidade de desfrutar dun deporte minoritario como é a patinaxe artística”. Alén disto, o nacionalista salientou a necesidade descentralizar pouco a pouco a práctica destas modalidades deportivas e achegalas a todos os lucenses. O apoio da Área de Deportes da Deputación de Lugo a este II Campus de Verán de Patinaxe Artístico está totalmente xustificado xa que ambos proxectos perseguen os mesmos fins entre os que esta o de fomentar o deporte de base, especialmente naquelas disciplinas menos estendidas xeograficamente pero que si contan cun bo número de afeccionados nas comarcas lucenses, asegurou.
Nesta segunda edición, ademais de ofertárense novamente os cursos de iniciación e perfeccionamento de patinaxe artística, os rapaces e rapazas inscritos neste campus tamén poderán participar nunha serie de actividades lúdicas complementarias que se desenvolverán en varias localizacións da vila como son o Pavillón “O Cantel”, o “Campo da Cabana” ou a praia da Rapadoira. A organización do II Campus de Verán de Patinaxe Artística habilitará un servizo autobús totalmente gratuíto para que todos veciños e veciñas da comarca da Mariña que estean interesados ou interesadas en participar nas xornadas formativas se poidan achegar ata Foz. Ao remate do campamento, todos os participantes recibirán varios agasallos entre os que destacan unha bolsa de patinaxe, unha funda para os patíns, unha camiseta e bono de desconto na tenda deportiva Living Sport. O prazo de matrícula segue aberto e o seu custo ascende a 100 euros. A idade mínima para participar no campus é de 5 anos.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
