NOTA DE PRENSA
O acordo acadado no Parlamento de Galicia incorpora, por proposta do PPdeG, que se estableza un diálogo fluído entre as distintas administracións no que se busquen “solucións concretas aos problemas concretos que se estiveron a dar ao longo de todo o proceso de regularización”
O GOBERNO BIPARTITO DEIXOU A 2.200 EMBARCACIÓNS DE BAIXURA SEN DISPOÑER DO CORRESPONDENTE INFORME PRECEPTIVO PREVIO Á SÚA REGULARIZACIÓN
* No Pleno do Parlamento, o portavoz de Mar do Grupo Popular, José Manuel Balseiro, explicou que limitarse a ampliar o prazo de regularización sen solucionar os problemas de fondo sería alongar a agonía destas embarcacións e trasladar a problemática no tempo.
* O PPdeG non se resigna a que este inxente número de barcos galegos pasen á invisibilidade administrativa e cesen na súa actividade por non poder completar o longo e complicado proceso de regularización.
Santiago, 24 de xuño de 2009.- O portavoz de Mar do Grupo Parlamentario Popular, José Manuel Balseiro, salientou hoxe no Parlamento que o Goberno bipartito deixou a 2.200 embarcacións de baixura sen dispoñer do correspondente informe preceptivo previo á súa regularización. No debate dunha iniciativa dos socialistas, Balseiro lamentou que, “por desidia ou por descoñecemento, unha lei estatal, impulsada desde o Goberno socialista hai dous anos, de novo choca cos intereses da nosa pesca”, en referencia á Lei 9/2007, do 22 de xuño, promulgada co obxecto de promover a corrección e regularización dos datos inscritos nos rexistros e nos distintos censos pesqueiros.
A dita lei outorga un prazo de dous anos, que está a piques de rematar, para completar o proceso de regularización destes barcos, sen o cal non poden ser empregados para tarefas de pesca artesanal e de baixura. Balseiro resaltou que milleiros de titulares destas embarcacións “ven imposible cumprir o prazo establecido”, de xeito que “unha vez máis, o Goberno de Zapatero crea un problema moito maior do que pretendía solucionar”.
Doutra banda, cando o bipartito deixou a Xunta, “ningunha embarcación galega tiña rematado o seu proceso de regularización”, segundo apuntou o deputado popular, quen indicou que actualmente hai 2.399 solicitudes recibidas, das que 127 están a realizarse fóra de prazo. “Non foron quen durante os últimos dous anos de informar unha soa embarcación para que puidera ser regularizada”, resaltou José Manuel Balseiro, para quen a iniciativa presentada polos socialistas “despois de non ser capaces de ofrecer solucións cando lles correspondía”, demostra “moito medo e moita presa, pola magnitude do erro cometido e porque agora remata o prazo e non deixaron os deberes feitos”.
SOLUCIÓNS CONCRETAS A PROBLEMAS CONCRETOS
Co fin de paliar esta situación, as tres forzas políticas acordaron solicitar perante o Goberno central a ampliación do prazo de dous anos establecido pola lei para dar tempo a rematar os trámites pendentes. En todo caso, no Pleno do Parlamento, o portavoz de Mar do Grupo Popular explicou que limitarse a ampliar este prazo sen solucionar os problemas de fondo sería alongar a agonía destas embarcacións e trasladar a problemática no tempo. Por iso, o acordo final incorpora un terceiro punto, por proposta do PPdeG para que se estableza un diálogo fluído entre as distintas administracións no que se busquen “solucións concretas aos problemas concretos que se estiveron a dar ao longo de todo o proceso”. Problemáticas das que, engadiu, “xa era consciente tanto o Goberno socialista de Zapatero como os anteriores xestores da extinta Consellería de Pesca e Asuntos Marítimos” e, a pesar disto, “non se fixo nada”.
O PPdeG non se resigna a que este inxente número de barcos galegos pasen á invisibilidade administrativa e cesen na súa actividade por non poder completar o longo e complicado proceso de regularización. Pero, segundo expuxo Balseiro, ampliar o prazo só constitúe unha solución parcial que non aborda os problemas de fondo. Por esa razón, os populares consideraron que a Proposición non de Lei presentada polos socialistas “se queda a medio camiño e non representa unha solución práctica e efectiva” e que é necesario reforzar os mecanismos de análise e participación do sector pesqueiro e das administracións implicadas para detectar “o que fallou e ofrecer solucións”
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
