CERVO .- Persoal das brigadas forestais dependentes da Consellería de Medio Rural están a desenvolver traballos de libramento dos camiños en varios puntos dos montes do termo municipal cervense. Esta labores se están realizar a instancia do Concello de Cervo despois de que os responsables da anterior administración autonómica decidiran o abandono destes traballos sen telos concluído satisfactoriamente. Cando están a piques de cumprirse seis meses da chegada do ciclón Klaus que causou grandes estragos nas extensións forestais deste concello aínda continúan algunha das súas pegadas.
O Alcalde de Cervo Alfonso Villares Bermúdez, veu reivindicando en varias ocasións que estes traballos foran realizados na súa totalidade, posto que aínda faltaban camiños por librar. “Tras o encontro mantido nos pasados días entre o rexedor municipal e o Conselleiro de Medio Rural, Samuel Juarez, acordouse o envío de dispositivos, persoal e material axeitado para concluír estes traballos”.
“Trátase dun tema de necesidade e urxencia para todos nós, sobre todo atendendo á época na que estamos, próximos ao período estival e, polo tanto, con risco de incendios. Non esquezamos que calquera eventualidade podería poñer en perigo a zona rural deste concello e incluso, espazos habitados”- explicaron desde o Concello de Cervo.
Desde a administración municipal mantiveron contactos cos distintos alcaldes pedáneos para que estes puideran informar sobre os puntos e os espazos nos que existían árbores caídas cortando o tránsito ou dificultando o percorrido nos camiños e pistas forestais.
Desde o hoxe tanto a brigada dependente da Consellería de Medio Rural como operarios municipais do Servizo de Medio Ambiente están a traballar para deixar listos e en perfecto estado todos os camiños. Por todo iso, desde o Concello de Cervo queren agradecer, “como non podería ser doutro xeito a premura e boa disposición do Concelleiro de Medio Rural que contrasta co que acontecía no pasado”
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
