LUGO .- A Xunta de Goberno da Deputación aprobou este venres a contratación provisional de novas liñas de actuación dentro do programa europeo Lug02 por valor de 320.000 euros. O voceiro provincial socialista, Antonio Gato Soengas, explicou que a primeira destas actuacións refírese ó deseño e desenvolvemento do Sistema de Información Xeográfica que proporcionará información ambiental e cultural de todos os Concellos incluídos nas Reservas da Biosfera e na Comarca do Courel. Esta actuación conta cun importe de 124.374 euros e foi adxudicada á empresa Dioptra S.L.
Asimesmo, tamén se acordou a dotación de contidos desta plataforma web á QT Consultores por valor de 124.374 euros. Antonio Gato subliñou que “estamos proporcionándolles ós cidadáns un servizo que lles permitirá descargar información no seu móbil ou PDA en calquera punto no que se atopen, xa que inclúe información de todas as entidades da provincia, comarcas, municipios e parroquias, do viais de todas a titularidades do ámbito do proxecto, dos núcleos de poboación, das rutas de Km0”.
Os usuarios poderán obter información do patrimonio natural como rutas de sendeirismo e bicicleta, miradoiros, praias, aulas da naturazas e centros de interpretación, ademais de eventos culturais como festas de interese turístico e horarios da rede de museos. Neste senso, Antonio Gato destacou que “por primeira vez ponse a disposición dos cidadáns un servizo no que se vende a provincia no seu conxunto. Esta iniciativa complementa outras políticas levadas a cabo pola área de Turismo da Deputación”.
Enmarcado no proxecto europeo destinado a convertir o medio ambiente nunha oportunidade económica, tamén se deu o visto e prace ó servizo que inclúe o asesoramento á xóvenes investigadores para a constitución de empresas de alimentación. A iniciativa adxudicouse á empresa Agronovo S.L por un importe de 69.020 euros e consiste na organización de xornadas informativas sobre a constitución de empresas, así como no apoio para a creación do seu plan empresarial e en todo o proceso legal para a constitución das entidades. A este respecto, o voceiro provincial socialista sinalou que “en definitiva o que buscamos é mellorar a comercialización de produtos autóctonos e impulsar a economía provincial. Ademais, con estas iniciativas garantiremos a constitución de 5 sociedades como mínimo”.
Área fluvial de Samos
O organismo provincial construirá un edificio de servizos para a área fluvial de Teiguín, no Concello de Samos. A Deputación contratou hoxe as obras que contan cun investimento de 200.000 euros. O edificio será de pranta baixa e incluirá zonas destinadas a vestiarios, primeiros auxilios, almacén e limpeza. “Damos cumprimento ó compromiso asumido polo Presidente na viaxe que realizou a este municipio o 17 de xuño. Agora os veciños desta localidade, e tamén os da bisbarra, entre os que se atopan os de Sarria, poderán disfrutar dun contorno medioambiental excepcional”.
Informe A-54
A Xunta de Goberno aprobou provisionalmente o informe realizado polo Servizo de Vías e Obras sobre o estudo informativo do Ministerio de Fomento do treito da A-54 que enlaza Arzúa e Palas de Rei, e que afecta á N-547. Gato Soengas subliñou que “desde a Deputación considérase que tanto a alternativa 3 como a 4 son axeitadas para o interese das localidades afectadas pola obra. A posible elección entre estas dúas posibilidades non afecta ó trazado que se desenvolve na provincia, xa que as dúas inclúen o enlace de Remonde, que en función da cada unha, pode resultar desprazado uns 400 metros”. O acordo remitirase á Demarcación de Estradas do Estado en Galicia.
Ámbalas dúas alternativas contan con lonxitudes moi similares de 27,9 e 28,1 quilómetros, e teñen en común a maior parte do seu trazado diferindo só no correspondente a un tramo intermedio duns 7 quilómetros de lonxitude. O acordo remitirase á Demarcación de Estradas do Estado en Galicia.
Na rede viaria provincial, en ámbalas dúas alternativas, só resulta afectada a estrada provincial CP-4001 que vai de Pedraza (Monterroso) a Couto (Palas de Rei). Neste caso, o cruce pola autovía está previsto que se realice mediante un paso inferior.
Outros acordos da Xunta de Goberno
A Xunta de Goberno tamén aprobou 14 contas xustificativas do Plan de Comunidades Veciñais de 2008. Suman 168.110 euros, dos que o organismo provincial achega 101.804. Pertencen ós Concellos de Abadín (2), Bóveda (2), Cospeito, Foz, Lugo, Monforte de Lemos, A Pastoriza (2), Ribadeo, Taboada, Castroverde e Pol.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
