Abreu a Oficina de Turismo de Xove para campaña estival deste ano, que vai durar os meses de xullo e agosto, abrirá tódolos días, de luns a domingo de 9:30 a 13:30 h. pola mañá, e de 16:30 a 20:30 h. polas tardes, pechando os luns e martes pola mañá para descanso do personal. A Oficina está atendida por dúas persoas cada día, unha no turno de mañá e outra no turno de tarde. Dentro das instalacións da oficina hai unha pequena e moderna sala de exposicións; na mesma vanse celebrar 3 exposicións durante os meses de xullo e agosto.
- O Club de bolos Xove gaña a copa de España por equipos
A pasada fin de semana celebrouse na localidade de Nigran (Pontevedra) a Copa de España de bolos celtas (modalidade equipos). O club de Xove conseguiu alzarse co título de campión de copa no que se pode considerar o mellor resultado da historia para este club a nivel de equipos. - Rueda visita Ribadeo
O Presidente da Xunta entrevistouse co voceiro popular, Daniel Vega, quen agradeceu a súa visita e lle trasladou temas de interese para o Concello. - Teatro Andanzas representa a obra "Baile de los huesos" de Elena Belmonte, o 19 de agosto no Pastor Díaz
Será ás 20.30 h. con entrada gratuita. Reserva de entradas: De luns a venres
no 982560162, en horario de 09.00 a 14.00 h ou rbg.cultura@viveiro.es - Este mércores foi presentada a nova barredora adquirida polo Concello de Xove
Trátase dunha barredora compacta Johnson CN201, adquirida á empresa Automoción Vilar do Colo por un importe total de 53.226,69 €uros, financiados na súa integridade polo propio Concello. Conta cun chasis estrutural ríxido, sistema de suspensión “Glide II”, unha tolva de 1,5 metros cúbicos de capacidade de carga e turbina de aspiración de alto rendemento entre as súas características principais. Sen dúbida, un importante investimento que vai axudar a mellorar a limpeza dos viais e rúas municipais. - O Concello de Viveiro informa que, con motivo da celebración das festas patronais, o mercado semanal dos xoves trasládase aos xardíns Noriega Varela o 11 e 18 de agosto
Normalmente, o mercado celébrase na praza Maior, pero ao coincidir este mes coas festas trasládase aos xardíns Noriega Varela para poder celebrarse con normalidade. - A Xunta renovou un ano máis o seu apoio ao Mercado medieval de Mondoñedo, que cumpre a súa trixésima edición
O delegado territorial de Lugo, Javier Arias, e representantes do concello presentaron na Delegación Territorial o programa da festa, que se celebrará entre os días 12 e 14 de agosto. O mercado mindoniense sumará un centenar de postos e preto de 80 actividades para público de todas as idades. Ofrece demostracións e venda de artesanía, como encaixes, cantería, coiro ou cerámica; ao longo da fin de semana tamén se poderá desfrutar de concertos, desfiles, actuacións de recreación histórica ou mesmo da degustación gratuíta de produtos gastronómicos. - Xermade será capital dos Torneiros da Madeira do 16 ao 18 de setembro, co apoio da Deputación
A institución provincial colabora coa 22ª edición do Encontro Internacional de Torneiros, que pon de relevo a importancia do sector da madeira na provincia e a necesidade de darlle valor engadido coa súa transformación.
2021 Crónica 3 A Mariña - Implementado por GaliciaDigital