CERVO .- Monseñor Afonso Carrasco Rouco, Bispo da diocese de Lugo, e ex párroco de Cervo, será o pregoeiro das Festas en honra á Virxe do Carme de San Cibrao. Así o deu a coñecer a Comisión de Festas do Carme 2009, que preside Jose Ramón Soto, quen agradece o xesto do bispo, a súa boa disposición e empraza aos veciños a darlle un cálido recibimento. A cita terá lugar o mércores día 15, ás 20 horas no Auditorio da Casa da Cultura de San Cibrao.
UN LUCENSE VINCULADO A MONDOÑEDO-FERROL
Mons. Afonso Carrasco Rouco é lucense, naceu o 12 de outubro de 1956 no municipio de Vilalba. Cursou o ensino secundario no Seminario de Mondoñedo e os estudos de Filosofía na Pontificia Universidade de Salamanca (1973-1975). Despois estudou Teoloxía en Friburgo (Suíza), onde obtivo a Licenciatura en 1980. Foi ordenado sacerdote o 8 de abril de 1985 na Diocese de Mondoñedo-Ferrol.
Entre os anos 1989-1991 forma parte do equipo parroquial de Santa María de Cervo, encargado de seis parroquias, na Diocese de Mondoñedo-Ferrol, onde exerce tamén como docente da Escola Diocesana de Teoloxía.
En 1992 desprázase a Madrid como profesor agregado de Teoloxía Sistemática do Instituto Teolóxico San Dámaso, converténdose en catedrático en 1996. Foi tamén, ata a súa ordenación episcopal, profesor de Teoloxía dogmática na Facultade de Teoloxía San Dámaso de Madrid (desde 1996) é director do Departamento de Dogmática da mesma Facultade en 2006. Durante a súa estancia en Madrid colaborou pastoralmente na Parroquia de San Jorge, mártir de Córdoba.
ESCAPULARIOS
Por outra banda a Comisión de Festas do Carme fai saber que este domingo, na celebración eucarística das 12, que coincide coa misa dominical e a novena en honra da Virxe do Carme terá lugar a tradicional imposición dos escapularios. Un costume que vén de outrora, á que non faltaban as familias dos mariñeiros e as xentes relacionadas co mundo do mar.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
