NOTA DE PRENSA
O BNG DE BURELA DENUNCIA A DESAPARICIÓN DO SERVIZO DE VALORACIÓN E TRAMITACIÓN DE SOLICITUDES DAS PERSOAS DEPENDENTES QUE SE REALIZABA NA RESIDENCIA DE MAIORES BURELESA
O BNG lamenta o cinismo do PP na súa actuación en relación coas persoas dependentes, utilizando ás mesmas de xeito carroñeiro cando eran oposición e agora suprimindo servizos que antes había sen o máis mínimo pudor.
A partires de finais de abril, pouco despois da toma de posesión do goberno do PP na Xunta de Galicia, deixaron de realizarse en Burela as valoracións e tramitacións de solicitudes das persoas en situación de dependencia.
O PP, despois de ter feito unha oposición desbocada e insultante e chea de continuas mentiras sobre a suposta perda de servizos na comarca co goberno bipartito, amosa agora o seu máis absoluto desprezo polas persoas en situación de dependencia. O PP burelés non abriu a boca que tan lixeira tivo e segue a ter cando se trata de facer oposición.
A perda deste servizo obriga ás persoas solicitantes a ter que desprazarse máis de 100 km a Lugo capital, a realizar estes trámites co que supón de perda de tempo, de gastos e todo tipo de inconvenientes para as mesmas e para os seus familiares. Pero isto ao PP semella non preocuparlle nada, unha vez que xa conseguiron o que era o seu obxectivo de acceder ao goberno de Galiza fose ao prezo que fose e custase o custase.
Non deixa de sorprendernos, se algo pode sorprender dos demagogos de tres patacóns, que agora xa falen de que non poden pagar as prestacións económicas a todas as persoas dependentes cando antes convidaban publicamente ás mesmas a presentar denuncias nos tribunais de xustiza se non recibían as axudas económicas en tempo e forma.
Deberiamos preguntarnos todos os veciños e veciñas de Burela e da comarca se esta é outra das medidas do seu tan cacarexado plan de austeridade, que consiste en ir reducindo custes nos servizos sociais e nos servizos públicos que son os que benefician á maioría das persoas. Este é outro exemplo máis como o están a facer no eido educativo suprimindo unidades escolares e eliminando a gratuidade dos libros de texto para o conxunto da poboación escolar de infantil e primaria.
Hai queixas e casos concretos moi delicados de veciños e veciñas de Burela que están a padecer esta situación e o BNG quere denunciar esta situación con contundencia e pedirá explicacións aos responsables da desaparición deste servizo que está a producir trastornos e molestias graves para estas persoas que teñen unha situación xa de por si delicada de saúde.
Queremos que o PP lle explique á xente de Burela e da Mariña que ten que desprazarse a Lugo para tramitar a súa valoración de dependencia porqué non o pode facer aquí en Burela como se facía antes.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
