CERVO .- O concello de Cervo asumirá o desbroce nas estradas provinciais debido a “desatención da Deputación de Lugo que non está a efectuar os traballos precisos para o mantemento en perfecto estado das mesmas”, aseguran desde o goberno municipal.
Nota de Prensa
O estado que presenta algunha das cunetas das estradas de titularidade provincial preocupa no Goberno municipal, polo aumento do risco de incendio e porque son espazos de tránsito habitual dos veciños
CERVO ASUME O DESBROCE DAS ESTRADAS PROVINCIAIS ANTE A EVIDENTE DESATENCIÓN DA DEPUTACIÓN
* O Ente provincial nin tan sequera está a responder aos reiterados requirimentos que desde o Concello se lles está a dirixir para que asuma a súas competencias.
* A Deputación aplicou o mesmo silencio que indigna ao Goberno municipal cando se lle pediu a cesión da pala para a limpeza e adecuación do areal de O Torno.
Cervo, 25 de xullo de 2009.- O Concello de Cervo asumirá o desbroce nas estradas provinciais ante a evidente desatención da Deputación de Lugo que non está a efectuar os traballos precisos para o mantemento en perfecto estado das mesmas. O Goberno municipal amósase preocupado polo estado que presentan as cunetas destas vías, con zonas de paso invadidas polas malas herbas ou ocupadas polas plantacións das áreas forestais contiguas.
SILENCIO DA DEPUTACIÓN
O Concello de Cervo entende que a Deputación provincial está a descoidar a súa competencia nunha mostra máis de manifesto desprezo aos veciños deste concello. Desde a Corporación Municipal remitiron de xeito periódico varias cartas nas que comunicaban o lamentable estado de moitas destas cunetas ao Ente Provincial ademais de emprazarlles á corrección desta situación. O Goberno municipal xa non só lamenta que desde a Deputación non efectúen os traballos requiridos senón que se amosan especialmente indignados polo silencio do organismo provincial que nin tan sequera responde ás distintas peticións formuladas. A situación é aínda máis sangrante tendo en conta que tanto a portavoz do PSOE local, Lara Méndez, como o voceiro do BNG local, Juan Antonio Estúa, ostentan distintas responsabilidades na mesma Deputación provincial que descoida os intereses dos veciños deste concello.
MAIOR RISCO DE INCENDIO
A situación descrita preocupa no Goberno municipal, de xeito especial cando como é o caso coincide coa época estival, ante o previsible aumento do risco de incendios incontrolados. Ao mesmo tempo, moitas destas estradas son espazos de tránsito habitual para moitos dos veciños das parroquias cervenses que nestes días celebran as súas festas.
A DEPUTACIÓN NON COLABORA NA LIMPEZA DE O TORNO
Non é a primeira vez que o Concello de Cervo se ve na obriga de substituír a inactividade da Deputación provincial. Xa no seu día desde o Goberno municipal reclamaron a cesión da maquinaria –a pala- que o Ente provincial ten para a adecuación e limpeza do areal de O Torno. Nesta ocasión tampouco se obtivo a resposta precisa por parte da Deputación e tanto a limpeza como a maquinaria empregada para axeitar esta praia están a efectuarse con medios e traballadores exclusivamente municipais.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
