RIBADEO (FNC) -. No pleno do Concello aprobouse por unanimidade a licitación das obras de mellora da travesía urbana de Ribadeo, un tramo de máis de catro quilómetros que discorre entre as rotondas da Vilavella e Dompiñor. A inversión ascende a 1.025.000 euros e o prazo de execución será de nove meses. O alcalde, Fernando Suárez, lembrou que “a titularidade deste tramo foi transferida hai un tempo ao Concello e acompañada dun diñeiro que temos que destinar a mellorar parte deses tramos que foron cedidos”. O rexedor sinala que “por parte dos técnicos municipais fíxose un proxecto complexo e ambicioso, aínda que seguramente e a pesares de que é unha cantidade das máis importantes investidas en Ribadeo dunha soa vez, quedaron aspectos deses tramos que necesitaríamos de máis diñeiro para facelo todo correctamente”.
Fernando Suárez explica que “se actuará dunha forma intensa e moi importante na zona da Vilavella, no que é a travesía toda de Ribadeo é dicir na Avenida de Asturias, José Vicente Pérez Martínez, Avenida de Galicia, Avenida de América e tamén na zona de Vilar. Desde logo será unha actuación que levará á humanización deses viais, cambiarase o pavimento das beirarrúas por un novo, mudarase o sistema de alumeado público, poñeranse árbores, cambiaranse tamén as tuberías de uralita que non están adaptadas á normativa de hoxe en día. Haberá polo tanto moita inversión da que non se ve, pero que é moi importante porque implicará que todas as conducións queden modernizadas”.
O alcalde pensa que “o Concello nunca licitou unha obra de tanto montante económico coma esta que ten que estar executada en dúas anualidades. Neste 2009 debemos investir 307.000 euros e no 2010 a diferencia, uns 713.000. Seguramente concorran unha serie de empresas importantes, as cualificacións e os requisitos específicos vanse endurecer para poder traer á mellor firma que poida facer isto coas menores molestias posibles, aínda que sabemos que cunha obra desta magnitude habemos amolar, molestar… pero o resultado final estaría aí e vai ser unha marabilla entrar na nosa vila por unha travesía humanizada e perfectamente operativa tanto para os veciños que viven ao pé desta rúa como para aqueles que visiten Ribadeo”. Fernando Suárez agarda que as primeiras obras dean comezo nos últimos meses deste 2009.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
