RIBADEO (FNC) .- O Concello contrata a tres persoas para a oficina de información turística a emprazar na praia de As Catedrais. Dito contrato realizarase pola modalidade de obra ou servizo determinado, a tempo parcial e por dous meses, durante a tempada de verán de 2009.
Entre os requisitos que se esixen figura ter a diplomatura en turismo. Valoraranse os servizos prestados no Concello de Ribadeo ou noutras administracións públicas en postos de traballo de contido análogo ou categoría semellante ao das prazas a que se opta; os cursos directamente relacionados coa actividade a desenvolver no posto de traballo de axente de emprego e desenvolvemento local, en materias de emprego e desenvolvemento local impartidos pola administración pública ou entidades dela dependentes ou homologados; o coñecemento do idioma galego e a antigüidade no paro.
Os interesados poden presentar toda a documentación solicitada ata as 14 horas do vindeiro 13 de xullo no rexistro xeral de entrada do Concello de Ribadeo. A proba de selección de persoal realizarase o 15 de xulo ás 19 horas na Casa do Concello.
O CONCELLO CONTRATA A TRES OPERARIOS PARA A LIMPEZA DE PRAIAS.
O Concello contrata a 3 operarios para o servizo de Medio Ambiente que se encargarán da limpeza das praias. O contrato será pola modalidade de obra ou servizo determinado por un período de dous meses e a tempo parcial.
Entre os requisitos que se esixen están o de ter o certificado de estudios primarios ou de escolaridade e o carnet de conducir da clase B. Valoraranse os servizos prestadas no Concello de Ribadeo, noutras administracións públicas, en empresas privadas de Ribadeo ou de fora deste termo municipal en postos de traballo de contido análogo ou categoría semellante ao das prazas a que se opta e os cursos relacionados coa actividade a desenvolver no posto de traballo impartidos pola administración pública ou entidades dela dependentes ou homologados. Os interesados teñen ata as 14 horas do 13 de xullo para presentar toda a documentación. As probas de selección serán o 14 de xullo ás 19 horas na Casa do Concello.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
