CERVO .- Na mañá de hoxe tivo lugar o sorteo dos 14 chalés que o Instituto Galego de Vivenda e Solo (IGVS) construíu nunha área contigua á Vía Láctea, na urbanización Rio Cobo. Ao acto asistiron ademais dos adxudicatarios das vivendas o Alcalde de Cervo, Alfonso Villares, acompañado do Xefe Territorial da Consellería de Medio Ambiente, Territorio e Infraestruturas Jose María López Vega e da Xefa do Área Provincial do IGVS, Monserrat Vidal Expósito.
Segundo o concello “o sorteo foi posible grazas ao compromiso adquirido nas pasadas datas polo Alcalde de Cervo e o director xeral do Instituto Galego de Vivenda e Solo (IGVS) para acelerar as xestións previas á entrega definitiva das vivendas, que se prevé realice nas próximas semanas”.
Os chalés teñen unha superficie de 84 metros cadrados, constan de tres dormitorios, un salón, un baño, un aseo, unha cociña e teñen vinculado rocho e garaxe. Oito deles foron adxudicados en réxime de aluguer e seis en opción de compra venda, segundo as características dispostas na lexislación vixente.
Dende o concello indican que “os quince chalés adosados de Rio Cobo son froito dun proxecto promovido polo Goberno autonómico de Manuel Fraga a instancia do Concello de Cervo. As obras de adecuación e urbanización dos terreos, traída de subministros, e construción dos edificios desenvolvéronse ao longo dos últimos anos. Durante a época de xestión do bipartito o proceso administrativo de entrega final das vivendas estaba a sufrir un lento avance polo que, coa chegada do cambio de Goberno en Galicia, foi posible desbloquear a situación. Segundo as previsións que manexan no Concello de Cervo nas vindeiras semanas asinaranse os contratos definitivos de aluguer e as escrituras de compra-venda. ”
O Alcalde de Cervo salienta “a importancia de contar con este tipo de vivendas, de carácter social, dirixidas a un colectivo moi determinado de persoas que teñen aínda máis dificultades de dispoñer dun fogar en réxime de compra ou aluguer. Villares destacou así mesmo a importancia de contar con proxectos de vivendas a prezos accesibles como fórmula para asentar poboación pero tamén, como servizo público esencial para facilitar a natural necesidade de vivenda que teñan as familias, mozos e non tan mozos no termo municipal”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
