BURELA (FNC) .- O concelleiro de Turismo, José González Legazpi, fai nunha avaliación obxectiva sobre a segunda quincena de xuño e todo o mes de xullo, e incide “na importancia do turismo, principalmente de proximidade, do que se ven facendo mención nos recentes estudos e programas vencellados ao mesmo polos sectores implicados para a consecución dunha máis grande capacidade turística”.
O edil nacionalista asegura que “dende a Oficina de turismo de Burela se ten rexistrado nestes pasados meses unha afluencia de visitantes de proporcións semellantes no mes de xuño ás do pasado verán, e algo superiores no mes de xullo no cómputo global, segundo o número de persoas que diariamente estiveron interesándose polo noso concello e tamén pola Comarca da Mariña, sendo previsible ese incremento durante o tempo que resta de verán”. González Legazpi destaca que a procedencia maioritariamente é da nosa comunidade autónoma, principalmente do eixo atlántico, seguida de Asturias e tamén é moi representativa a afluencia de persoas dende a capital de España, e do norte peninsular, concretamente de Cantabria e País Vasco, pero tamén de Castela-León. Destacar igualmente o incremento de mobilidade na área de autocaravanas, de procedencia indistinta, pero apreciable tamén o achegamento de visitantes da zona do mediterráneo. En definitiva acredítase o interese do turismo no noso concello, primordialmente de cercanía, que na actual coxuntura económica ten unha maior posibilidade de acomodación para o visitante”.
O concelleiro de Turismo suliña “este avance significativo en tanto que determina claramente e de modo positivo o resultado do traballo que se ven facendo na divulgación e participación en certames, de ámbito indistinto, o que fai posible o achegamento de visitantes ao noso concello. E tamén representa unha condición positiva para os sectores socioeconómicos locais e un avance progresivo nas políticas de desenvolvemento xeral do turismo en Burela que nos posiciona xa claramente como destino referente na comarca”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
