BARREIROS .- O deputado da Área de Cultura da Deputación de Lugo, Antonio Veiga, participou esta noite da presentación da reportaxe “O gran Camiño Real”, reportaxe sobre o transcurso do Camiño Norte a Santiago ao seu paso por Barreiros, que tivo lugar no albergue de peregrinos de Gondán. Xunto a Antonio Veiga estiveron o guionista da reportaxe, Emilio Piñeiroá, e o párroco Santiago Rigueira.
Antonio Veiga destacou que iniciativas coma esta axudan a poñer en valor un importantísimo patrimonio cultural como constitúe o Camiño de Santiago, neste caso a variante norte ao seu paso polo concello de Barreiros. Por esta razón, a Área de Cultura da Deputación ofrece o seu apoio para que estas propostas de tipo audiovisual acaden unha maior difusión e logren sensibilizar á poboación da riqueza que para un pobo constitúe o posuír un elemento patrimonial tan recoñecido como o paso do Camiño de Santiago. Antonio Veiga salientou que coa súa presenza nesta presentación a institución que representa tenta poñerse ao carón da xente, do tecido asociativo galego tan necesario para lograr un medio rural dinámico e activo, e tamén revalorizar o audiovisual galego desde a súa base, apoiando aos creadores que non teñen grandes medios para desenvolver proxectos audiovisuais con amplos presupostos, pero que non obstante posúen unha vitalidade de ideas que poden e deben saír adiante.
A velada estivo amenizada por Antonio “de Marcos” – o gaiteiro de Fórnea- e entre os asistentes tamén se celebrou unha queimada popular esconxurada polo “gran druída”, polo que a diversión se estendeu entre os presentes até ben entrada a noite.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.