VIVEIRO .- O Concello de Viveiro convoca o certame de pintura o aire libre “Pintar o aire do pasado” dotado con premios por importe de 1.100 euros. O tema das obra será as rúas e os monumentos históricos do casco antigo de Viveiro e o tempo de realización será de 10.00 a 20.00 horas os día 7 e o 8 de agosto.
Nota de Prensa
O Concello de Viveiro convoca o 5º Certame de Pintura ao aire libre “Pintar o aire do pasado” coa colaboración do Ámbito Cultural “El Cortés Inglés”
e o Centro Comercial Casco Histórico de Viveiro
BASES:
1.- Celebrarase en Viveiro os días 7 e 8 de agosto de 2009.
2.- Poderán participar todos os pintores que o desexen, con unha única obra.
3.- O tema das obra será as rúas e os monumentos históricos do casco antigo de Viveiro.
4.- A técnica a utilizar será totalmente libre, e as dimensións do formato da obra non será inferior a 51 x 35 cm nin superior a 100 x 81cm. Debendo presentar o soporte completamente en branco para o seu selado na parte posterior, sen ningún tipo de preparado e totalmente limpo.
5.- A inscripción será gratuita. E o prazo estará aberto ata o día da celebración do certame.
Lugar: Departamento de cultura do Concello de Viveiro (Teatro Pastor Díaz),
en horario de 09.00 a 13:00 horas.
Teléfono: 982560162
6.- O tempo de realización será de 10.00 a 20.00 horas os día 7 e o 8 de agosto. As obras recolleranse no Departamento de cultura (Teatro Pastor Díaz ) .
7.- O pintor/a realizará a súa obra no mesmo sito que se representa.
8.- As obras non deberán ir firmadas, e no caso de ser premiada o autor comprométese a firmala.
9.- O xurado está composto por membros de recoñecido prestixio no mundo das artes, asi como representantes do Concello de Viveiro. O xurado comprométese a non ver as obras ata que sexan recollidas pola organización, evitando calquer contacto cos autores.
10.- A participación nesta convocatoria implica a aceptación das bases, asi como a decisión do Xurado, que é inapelable. o xurado poderá declaralo deserto cando a calidade dos traballos presentados sexa insuficiente.
11.- O horario das actividades ó remate do concurso será :
Venres 7:
10.00 h.: Selado do material no Departamento de Cultura (Teatro Pastor Díaz)
20.00 horas do día 7 recollida das obras no Teatro Pastor Díaz.
Sábado 8: Os participantes que non remataron o traballo, poden facelo de 10.00 a 20.00 horas-
A entrega dos premios FARASE O DOMINGO ÁS 12.30. HORAS
12.- Calquera caso non contemplado nas bases será resolto polo Xurado.
13.- As obras premiadas quedarán a disposición do Concello, que se reserva os dereitos de reprodución da obra.
14.- Os orixinais non premiados devolveránse aos autores ata ó día 14 de agosto en horario de 09.00 a 13.00 horas no Teatro Pastor Díaz.
15.- Premios:
1º premio: 600 €
2º premio: 300 €
3º premio: 200 €
A cantidade dos premios será indivisible
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
