CERVO .- O goberno municipal de Cervo asegura que o Concello nunca “asumiu o gasto de persoal das traballadoras da Casa da Administración e polo tanto, que a administración local non adebeda ningún tipo de salario a estes traballadores”.
NOTA DE PRENSA
Na pasada lexislatura o Executivo de PSOE e BNG non investiu un só euro neste espazo de grande importancia patrimonial e turística malia os graves danos provocados polo temporal Klaus que tan só comezaron a corrixirse tras a chegada do novo Goberno autonómico
CERVO RECRIMINA O SILENCIO DO PSOE DURANTE CATRO ANOS NOS QUE A XUNTA BIPARTITA MANTIVO NO ESQUECEMENTO AO CONXUNTO HISTÓRICO ARTÍSTICO DE SARGADELOS
• O Concello de Cervo e a nova Xunta son as únicas administracións que traballan para recuperar a dignidade deste espazo e comprométese a sacalo do esquecemento no que o mantiveron socialistas e nacionalistas.
• O Executivo local pon en evidencia o nulo coñecemento que PSOE ten, pola súa falta de interese, respecto do funcionamento do Padroado de Sargadelos
Cervo, 25 de agosto de 2009.- O Goberno municipal recrimina ao PSOE que saian agora á opinión pública criticando a situación do Conxunto Histórico Artístico de Sargadelos despois de gardar un clamoroso silencio os últimos catro anos nos que a Xunta bipartita mantivo no esquecemento a este espazo de grande importancia patrimonial e atractivo turístico.
O Executivo municipal insiste en que tanto o Concello de Cervo como os novos responsable da Xunta son as únicas administracións que están a traballar para recuperar a dignidade deste espazo e comprométense a seguir esforzándose para sacalo da situación precaria na que o mantiveron PSOE e BNG, desde as súas distintas responsabilidades de goberno na anterior Xunta. Nin a Consellería de Cultura –en mans nacionalistas- nin a de Presidencia –rexida polo PSOE- investiron nin un só euro para a recuperación e posta en valor do Conxunto Histórico Artísticos de Sargadelos.
SILENCIO DO PSOE ANTE A PRECARIA SITUACIÓN POST-KLAUS
Como mostra do dito con anterioridade lembran o silencio do PSOE ante as reiteradas peticións formuladas polo Concello de Cervo para que a Xunta bipartita asumira o seu compromiso de recuperar este espazo despois dos graves danos provocados polo ciclón Klaus. A situación desoladora que presentaba a área recreativa, a zona coñecida como Paseo dos Namorados e a senda botánica contigua, tan só comezou a amañarse despois da vitoria electoral do PPdeG, e o seu posterior acceso ao Goberno da Xunta e, en todo caso, “grazas ás xestións desenvolvidas polo Concello para acelerar todos os trámites previos ao inicio das obras”.
NOVO IMPULSO AO PADROADO DE SARGADELOS
Nos últimos catro anos tan só reuniuse nunha ocasión o Padroado de Sargadelos, a pesar das reiteradas peticións do Alcalde para que estas xuntanzas tiveran lugar. Desde o Concello de Cervo adiantan que xa solicitou unha reunión deste padroado, que terá lugar nun prazo breve, para darlle o impulso que non tivo durante estes anos e resolver os problemas pendentes.
O CONCELLO CUMPRE, A XUNTA BIPARTITA NON
O Executivo que preside Alfonso Villlares lamenta que o PSOE poida realizar afirmacións sen ningún tipo de fundamento ou verosimilitude e atribúe este comportamento dos socialistas a que nunca amosaron o mínimo interese en saber cales son as funcións e organización do Padroado de Sargadelos. Así por exemplo clarexa que nunca o Concello de Cervo asumiu o gasto de persoal das traballadoras da Casa da Administración e polo tanto, que a administración local non adebeda ningún tipo de salario a estes traballadores. Por outra banda, explica que o Concello sempre desenvolveu con total corrección as labores de mantemento nos terreos municipais e autonómicos do Complexo Histórico Artístico de Sargadelos, sen ningún tipo de axuda de ningunha administración. “Quen diga o contrario minte, e o fai ademais de mala fe”. En contraste con isto, a Xunta non executou nestes últimos catro anos nin un só euro destinado nin a investimento nin mantemento deste espazo, incluso esquecendo aquelas áreas que son da súa directa competencia.
O PSOE: AVERGONZADOS OU CALADIÑOS
En todo caso os edís de Goberno entenden que o PSOE debera estar avergonzado, polo silencio que mantivo nos pasados catro anos respecto do esquecemento do Conxunto Histórico Artístico de Sargadelos e, por coherencia con este comportamento, emprázalles a “seguir caladiños se tan só van a falar para realizar acusacións sen fundamento”. De calquera xeito, desde o Goberno municipal emprazan a calquera veciño ou visitante a comparar a situación na que se atopaba o conxunto histórico artístico de Sargadelos fai uns meses coa que agora ten.
ESTE VERÁN LOGROUSE UN GRAN NÚMERO DE VISITANTES
Finalmente desde o Concello de Cervo desmenten que exista ningún tipo de dano ao turismo. “Mostra de que o que están a dicir non é certo está no feito de que cada vez un maior número de visitantes e veciños achéganse ata Sargadelos, de xeito especial nesta época estival, para disfrutar da beleza dos seu paisaxe, da importancia cultural do seu patrimonio, e do atractivo turístico que representa”
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
