RIBADEO (FNC) .- Na comisión de facenda que se celebrará mañá ás 20:15 horas analizarase a conta xeral de 2008 que se pechou cun remanente positivo de máis de 163.000 euros. Un dato que destaca o goberno municipal porque por primeira vez en varios anos se dan estes resultados.
O concelleiro de Economía, Vicente Castro, dixo que “nestes dous anos que levamos ao frente do goberno municipal conseguimos investir unha situación negativa e empezar cos primeiros síntomas positivos. Pasamos, falando en termos cuantitativos, dun remanente negativo de 668.000 euros en 2007 a un remanente positivo de 163.000 euros no ano que pechamos. Pasando isto a unha linguaxe máis coloquial, podíamos dicir que arrastrabamos unha tendencia que iba costa abaixo e digamos que agora comezamos a repuntar un pouco cara arriba”.
O edil nacionalista engadiu que “todo isto, evidentemente, non significa que estea resolta a situación económica do Concello e sobre todo ao caso que atinxe á tesourería municipal. Pero si nos permite investir a situación porque o aforro que isto supón do ano 2008 permitiranos ir pouco a pouco facendo fronte aos pagos. Non quero ser triunfalista pero eu creo que debemos seguir na mesma liña de axuste do gasto para ir pagando aos provedores”.
Castro sinalou que “non se pode pasar sen facer mención a tódalas críticas recibidas durante este ano por parte dalgún grupo da oposición que cualificaba a situación económica e a actuación do goberno municipal no ámbito de economía e facenda de moi negativa e catastrofista. Estes datos, que agora presentamos, demostran o contrario e evidentemente supoño que algunha voz terá que calar despois de presentar esta conta. O resultado da conta que presentamos ven demostrar que este goberno fixo as cousas como as tiña que facer axustando e recortando gastos no máximo posible e mellorando, ao mesmo tempo, a efectividade da recadación”. O responsable de Economía agarda “seguir na mesma situación, entendo que esta é a liña que debemos seguir e espero que esto nos permita atender mellor aos nosos provedores que atravesan unha situación crítica debido á crise que estamos pasando e que poida levar ata ao remate do mandato a recortar o período de tempo no que estamos abonando os pagos na actualidade. Agardamos reducilo á metade”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
