BURELA (FNC) .- A Delegación de Benestar Social do Concello de Burela pon en marcha unha escola de nais e pais co fin de dotar aos seus participantes de capacidades e habilidades axeitadas para unha boa educación dos seus fillos e fillas menores de idade. O curso desenvolverase dende outubro ata abril do ano que vén e tódolos interesados poden matricularse a partires do vindeiro luns, 14 de setembro.
A concelleira de Benestar, Neves Cando, explicou que “dende o servizo de educación familiar da Delegación de Benestar Social estase traballando de forma estable con aproximadamente 30 familias con fillos e fillas menores de idade en situación de risco ou con problemáticas de diferentes tipos como poden ser, problemas de comunicación e convivencia, ausencia de hábitos de vida saudables, etc, e a través da coordinación con outros servicios de Burela como son os centros educativos, os centros de saúde ou a unidade de drogodependencias observamos que existen determinadas necesidades nas familias que poderían tratar de solventarse a través dunha formación e orientación axeitadas. Por todo isto, decidimos crear, para este curso escolar 2009-2010, unha escola de nais e pais entendida como un espazo educativo de reflexión e intercambio de experiencias familiares”.
A edil nacionalista sinalou que “desta maneira, creamos un proxecto a medio prazo dirixido tanto ás familias que presentan necesidades específicas como a todas aquelas que por outros motivos consideren axeitado recibir formación e asesoramento sobre a educación dos seus fillos e fillas. Trataremos de adaptar os contidos e as metodoloxías desta escola ás necesidades e intereses das familias que participen co fin de dotalas das ferramentas necesarias para desenvolver de forma axeitada a súa labor socializadora cos seus fillos e fillas”.
Neves Cando suliñou que “dous son os obxectivos básicos que pretendemos con esta escola de nais e pais que son, proporcionar ás persoas asistentes unha serie de coñecementos e habilidades básicas que lles poidan axudar a fomentar un axeitado desenvolvemento dos seus fillos e fillas, e dotar a estas persoas participantes das capacidades comunicativas, habilidades sociais e actitudes axeitadas para a educación dos menores”. Con respecto ás temáticas que se abordarán, Cando anunciou que “se desenvolverán durante seis sesións dende outubro deste ano 2009 ate abril do ano que vén, e trataranse dende as funcións, dereitos e deberes da familia, ata a prevención das drogodependencias e hábitos de vida non saudables, pasando polos cambios na adolescencia, o ámbito familiar e a escola coas técnicas e hábitos de estudo e o acoso escolar, temáticas de saúde e hixiene, alimentación e nutrición e tamén falaremos sobre a resolución de conflictos e educación en igualdade de xénero”.
A responsable de Benestar afirmou que “para a posta en marcha desta escola de nais e pais dividiremos aos participantes en dous grupos en función da idade dos seus fillos e fillas, exceptuando a primeira e a última que serán comúns para todos. Un grupo estaría formado polas nais e pais con fillos entre 6 a 12 anos e o outro polas nais e pais de adolescentes. A metodoloxía que se vai empregar para as diferentes actividades basearase no traballo en grupo e na participación activa de tódalas persoas asistentes, intentando que as nais e os pais expresen as súas dúbidas, colaboren na resolución de problemas reais e ficticios e propoñan alternativas apoiándose na súa experiencia”.
Neves Cando engadiu que “para participar nesta escola de nais e pais poderán apuntarse tódolos interesados dende o vindeiro luns 14 de setembro nos colexios de primaria, nos institutos, na biblioteca pública, na Casa da Xuventude ou nas dependencias do propio Concello de Burela”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
