CERVO .- Danilo Desiglioli e Germana Grossi, a primeira parella en contraer matrimonio no concello italiano de Cervo serán recibidos na mañá de hoxe polo Alcalde, Alfonso Villares na Casa do Concello. Esta cita forma parte dun variado programa de actividades co que foron agraciados os noivos na súa visita ao noso termo municipal. Tras o recibimento o rexedor acompañará e amosará ao novo matrimonio as instalacións da Casa Consistorial.
Os afortunados aproveitarán a súa estancia para coñecer os espazos turísticos máis relevantes e a grande riqueza cultural e paisaxística das Terras de Azul Cobalto. Así por exemplo está previsto que visiten o Paseo dos Namorados, a Cerámica de Sargadelos, e os principais areais de San Ciprián. Tamén poderán degustar pratos típicos da nosa terra na xantar previsto no Restaurante O Almacén. Os noivos recentemente casados están hospedados no Hotel Rural Anatur, sito na Praza do Souto.
INICIATIVA NO MARCO DO IRMANDAMENTO
O pasado ano, con ocasión da visita da delegación de veciños do noso concello ao municipio irmán de Cervo, in Liguria (Italia), acordouse poñer en marcha unha orixinal iniciativa que consistía en que a primeira parella de cada un dos dous concellos que contraera matrimonio cada ano (fora civil ou relixioso) sería convidada a tres días de estancia no concello do mesmo nome. Segundo explica Alfonso Villares, “esta idea persegue potenciar o vínculo iniciado hai anos entre os dous concellos irmandados”.
Nas pasadas datas os veciños do Cervo galego Juan Carlos López e Mónica Pita viaxaron ata o municipio italiano onde foron recibidos no Consistorio e puideron coñecer a gastronomía e a grande beleza deste concello transalpino. Agora é a quenda do novo matrimonio italiano que prolongarán a súa estancia ata o sábado 12 de setembro.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
