O Concello de Cervo informa de que continúa aberto o prazo para acceder ás axudas de transporte escolar, con carácter individual e destinadas a sufragar os gastos de desprazamento diario dos alumnos e alumnas do concello que cursaron estudos durante o pasado curso 2008-2009 en centros da comarca de educación secundaria non obrigatoria que non se imparten no seu territorio, a excepción dos que estudaron en centros de Burela, porque o transporte a este municipio xa foi subvencionado polo concello mediante outro tipo de axudas. A contía máxima para cada beneficiario será de 150 euros. O prazo de presentación de solicitudes remata o vindeiro 31 de outubro. En vindeiras datas ten previsto convocar as axudas destinadas aos alumnos de educación infantil para a adquisición de libros e material escolar.
En Cervo continúa aberto o prazo para axudas de transporte escolar do pasado curso
Relacionado
-
En marcha o posto de mando avanzado do Resurrection Fest
-
Un grupo da Asociación Saúde Mental da Mariña fixo entrega este xoves ao Concello de Xove dun lote de libros de “A Super Acción de Mauricio”, nun entrañable acto no que participaron uns 25 membros da Asociación acompañados por varios tecnicos
-
171 casos máis de coronavirus na provincia nas últimas 24 h.
O 9 de xullo será o I Día da Bicicleta que organiza a Delegación de Deportes do Concello do Valadouro dirixida polo concelleiro Eliseo Teijeiro. Unha actividade de lecer para disfrutar con toda a familia e amigos que consistirá nunha ruta sinxela de 14 kms con avituallamento e sorteos de lotes de produtos entre todos os participantes. A Inscrición de balde pódese efectuar nas oficinas da Casa da Cultura ata o 2 de xullo de 10:00h. a 14:00h. e de 16:00h. a 20:00h. A retirada de camisetas e dorsais o mesmo día 9 de xullo a partir das 16:00h. no Local Social do Parque Concepción Arenal.
Trátase dunha iniciativa que viñan realizando con carácter regular antes da pandemia, e que se viu suspendida nestes dous anos por este motivo. Esta viaxe, é o punto de partida que confirma o regreso desta asociación tan importante para o Concello de Cervo, que contribúe ao dinamismo do pobo, grazas ás múltiples iniciativas que programan ao longo de todo o ano e que tanto botabamos de menos.
Convidado pola Asociación de Veciños de San Pedro de Mor, o Grupo Teatral "O Centiño" de San Martiño, visitou Alfoz o pasado domingo 26 de xuño para representar a súa última obra, "A morte morrida", unha comedia que reflexiona sobre a tristeza da xubilación e sobre a morte. O salón de actos do concello estaba practicamente cheo e todos, actores e público, desfrutamos dun pouquiño de alegría, que a todos nos fai falta nestes tempos difíciles.
A directiva di ata pronto a Elena Aragón, xogadora que desde que chegou ao equipo ofreceu moito traballo e éxito. Desde o club, queren agradecerlle todos os bos momentos que fixo pasar nestes últimos anos e desexánlle moita sorte no seu futuro profesional.
