RIBADEO (FNC) .- O alcalde de Ribadeo, Fernando Suárez, anunciou a inminente execución de obras nos camiños de varias parroquias da vila, concretamente en Piñeira, Vilaselán, Cubelas, A Devesa, Vilaframil e Arante, que terán un montante global duns 180.000 euros con cargo no Plan de Obras e Servizos e no Plan Estratéxico de Infraestructuras no Medio Rural. Ademais, Suárez engadiu que se dotarán de anclaxes os contedores de lixo para que o vento non os mova e non causen perigo para os conductores.
O rexedor ribadense explicou que “quero anunciar a inminente execución de obras no medio rural, en varias parroquias de Ribadeo con cargo a dous plans moi importantes, por unha banda, o Plan de Obras e Servizos que levamos adiante entre o Concello, a Deputación e o Ministerio e por outra banda, o Plan Estratéxico de Infraestructuras no Medio Rural que se leva adiante grazas á Consellería de Medio Rural da Xunta de Galicia. Comezando por este último, é un plan que xa estaba aprobado e feito polo anterior goberno autonómico e pola anterior Consellería de Medio Rural, pero que afortunadamente este novo goberno respetou, o que hai que valorar, e que imos actuar en tres parroquias cun importe de 110.000 euros, básicamente en Piñeira, en Vilaselán e en Cubelas, e por outra banda, no Plan de Obras e Servizos, onde tódolos grupos da corporación, nunha xunta de portavoces puideron plantexar as súas propostas, incorporamos A Devesa, Vilaframil e Arante”.
Fernando Suárez sinalou que “en total son dez camiños nestes dous plans que afectan aproximadamente a cinco quilómetros de vías municipais e que teñen un montante global prácticamente de 180.000 euros. O máis importante de todo isto é que nas vindeiras semanas darán inicio os traballos de asfaltado con rego asfáltico en algúns camiños, en asfaltado con aglomerado asfáltico en outros e unha partida tamén importante duns 24.000 euros para a dotación de anclaxes en contedores de lixo en máis puntos das parroquias da vila evitando así, que moitas veces, o vento mova os contedores ocasionando un perigo potencial para os conductores”.
Suarez cre que “é unha moi boa noticia para as parroquias de Ribadeo esta nova inxección de diñeiro para os camiños, que se vén complementando co esforzo que estamos facendo esta tempada nas parroquias da costa e do interior con cargo a outros plans que executamos neste gran barco que é o Concello de Ribadeo cunha chea de viais públicos que cando acaba un de rematalos nunha parroquia na outra xa se empezan a estropear, xa que son un montón os camiños públicos que temos”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
