Nota de Prensa
O BNG denuncia os ataques da Xunta ao sistema educativo
Veiga afirma que o PP só acerta cando rectifica
O Bloque Nacionalista Galego quere denunciar o ataque que está a sufrir o conxunto do sistema educativo por parte do Goberno do Partido Popular o que está a provocar a resposta xeneralizada por parte da comunidade educativa. Neste sentido desde o BNG queremos expresar o noso apoio as mobilizacións que van levar a cabo diferentes ANPAS en distintos centros educativos da Mariña.
Antonio Veiga, Responsábel – Portavoz do BNG, afirmou que detrás da política do PP en materia educativa o que se agocha é unha planificación perfectamente definida polo Partido Popular coa que se pretende desmantelar o conxunto dos servizos públicos utilizando como coartada a crise económica. “Claro que hai crise, é mais, estamos diante dunha crise fonda, pero o que o PP pretende é que sexan as maiorías sociais, as clases populares quen apanden con ela” remarcou Veiga.
Na mesma liña o nacionalista quixo volver a expresar a oposición do BNG a supresión da gratuidade dos libros de texto posto que atenta contra o dereito a unha educación universal, obrigatoria e gratuíta, supón a posta en marcha dun modelo que implica un custo 3,2 veces máis caro que o anterior e implica trasladar nun contexto de crise económica unha carga as familias galegas de 150 millóns de Euros en 4 anos. “Hai que chamarlle as cousas polo seu nome, e aquí, estamos diante dun recorte de prestacións, non dun importante aforro económico”.
Veiga quixo demandar tamén da Consellaría de Educación que se procedese a cubrir as prazas de profesores de apoio que seguen vacantes nos centros educativos da Comarca así como de persoal auxiliar. “As declaracións efectuadas polos responsábeis da Consellaría de que este problema se ía solucionar a medida que se iniciase o curso resultaron ser escusas e a dia de hoxe seguimos igual. Non é un problema de cartos, é un problema de prioridade de gasto e senón que llo pregunten aos centros que segregan alumnos en función do xénero, que este ano volveron a recibir axudas millonarias”.
O BNG volveu a esixir da Xunta de Galiza unha mudanza na súa política educativa, posto que os galegos nas eleccións de Marzo non lle deron un aval as propostas que está levando adiante. “O PP só acerta cando modifica a súa postura”, rematou Veiga.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
