BARREIROS(FNC).- O BNG critica ao equipo de goberno de Barreiros por non ter apoiado no pleno de onte unha moción reclamando a construcción dun centro de día no concello. O portavoz nacionalista, Antonio Veiga, sinala que “un dos temás máis importantes que onte ían ao pleno de Barreiros, ao noso entender, era a construcción dun centro de día. O noso grupo presentou esta moción alá no mes de maio, ainda que despois non se abordou porque non houbo sesión plenaria en xullo. Era a modo de recordatorio do que dixo o actual presidente da Xunta en campaña electoral, que todos os concellos cun mínimo de 1.500 habitantes terían un centro de día”.
Veiga Outeiro entende que “Barreiros é un concello cunha poboación bastante avellentada e cremos que é necesaria a súa posta en marcha. Nós durante estes anos insistimos varias veces para que o Concello de Barreiros se adscribira ao Consorcio Galego de Servizos Sociais, recibindo sempre a negativa por resposta por parte do PP e do actual alcalde de Barreiros. Onte no pleno as súas declaracións reforzaron a nosa postura, como por exemplo cando dixo que hai uns quince anos que sí dispoñemos duns terreos para calquera dotación como podía ser este centro de día. Son uns terreos que veñen dun aproveitamento urbanístico dun plan parcial dunha urbanización feita en Benquerencia. Entón tendo os terreos non sei como o PP non se quixo adscribir ao consorcio e agora non quere pronunciarse sobre si lle solicitará á Xunta ou non a creación dun centro de día”.
Os nacionalistas consideran que “eso é fallarlles aos veciños de Barreiros e aos nosos maiores que merecen algo máis que un xantar anual. Seguimos agardando a que o PP rectifique e que non se corte en pedirlle ainda que sexa aos seus. Nós entendemos que o PP de Barreiros defende os seus intereses antes que os dos veciños e por eso non quere meter nun compromiso ao seu goberno na Xunta de Galicia. Flaco favor creo que lle fan deste xeito aos veciños de Barreiros. Sería onte unha boa ocasión para pronunciarse todo o pleno, pero o único que non votou a favor foi o PP… o resto dos grupos da oposición apoiaron a moción presentada polo BNG. E o centro de día queda por tanto unha vez máis aparcado”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
