CERVO .- O alcalde de Cervo procede a facer a primeira remodelación do equipo de goberno, despois da incorporación dun novo edi, Rubén Fernández Rouco, tras o cese de Antonio Basanta que foi nomeado Xefe de Relacións Parlamentarias da Consellería do Mar. As principais novidades son: Balseiro Orol asumirá tamén as competencias en Seguridade Cidadá, Pilar Armada dirixirá as novas áreas de Igualdade, Mantemento Xeral e Coordinación das Intalacións Municipais, Chelo Gallego asume Finanzas e pasa a ser a terceira Tenente de Alcalde, Yolanda Pedreira será tamén a concelleira de Educación e o novo edil Rubén Fernández xestionará as concellarías de Deportes e Turismo.
NOTA DE PRENSA:
O Alcalde de Cervo, Alfonso Villares deu a coñecer a primeira remodelación do seu Equipo de Goberno municipal que terá efectos tras a sesión plenaria prevista para este xoves 24 de setembro. As 20.00 horas tomará posesión do seu cargo como novo concelleiro Rubén Fernández Rouco, número sete da lista dos populares. Nacido en Viladesuso e administrativo de profesión este cervense de 39 anos foi unha nova incorporación da candidatura gañadora das eleccións locais. Deste xeito a Corporación Municipal de Cervo na que os edís populares encabezados por Alfonso Villares dispoñen da maioría absoluta, contará cun novo concelleiro en substitución de Antonio Basanta, tras o seu nomeamento como Xefe de Relacións Parlamentarias da Consellería do Mar.
Unha vez superado o ecuador da actual lexislatura, o rexedor cervense procede a reorganizar as distintas áreas do seu Executivo e tamén a modificar a distribución das dedicacións exclusivas e parciais dos edís de Goberno. Así por exemplo, tal e como se anunciou no debate do orzamentos, procederase a suprimir unha dedicación exclusiva –polo que tan só continuará con este réxime o Alcalde- mentres que Rubén Fernández Rouco asumirá unha adicación parcial. Esta decisión implica un aforro estimado para as arcas municipais de 20.218 euros –un 20,7% menos nos custes por retribucións aos cargos públicos- A isto hai que engadir que, por segundo ano consecutivo, conxelaronse as percepcións dos membros do Goberno o que supón unha boa nova nestes tempos de crise económica que aconsellan un maior control do gasto nas administración públicas.
NOVO ORGANIGRAMA
Alfonso Villares quere dar un maior impulso e fortaleza ao Concello de Cervo nos próximos dous anos, despois doutros dous de mandato e de lidiar cun claro esquecemento por parte da administración autonómica bipartita, provincial e do Goberno central. Para iso, elaborou un organigrama executivo no que todos os concelleiros asumen algunha nova responsabilidade.
Así por exemplo Jose Manuel Balseiro engadirá ás competencias que xa dispoñía na concellaría de Obras e Urbanismo as relativas a Seguridade Cidadá. Pilar Armada continúa coas funcións sobre Asuntos Sociais e suma as de Protección Civil, Medio Ambiente, ademais das novas áreas de Igualdade, Mantemento Xeral e Coordinación das Instalacións Municipais. Chelo Gallego, formará parte da Xunta de Goberno Local na súa nova condición de terceira Tenente de Alcalde e xestionará ademais das áreas de Cultura e Xuventude á concellaría de Facenda. Yolanda Pedreira será a nova concelleira de Educación, ademais de manter as responsabilidades como edil delegada de Sanidade, Emprego, Patrimonio Cultural e Paisaxístico. O novo concelleiro, Rubén Fernández Rouco, xestionará as áreas de Deportes e Turismo.
O Alcalde de Cervo, que coordinará todas as áreas, explica que a nova estrutura servirá para darlle unha mellor axilidade ao Concello e ao proceso de toma de decisións, así como para acometer futuros proxectos de investimento. Responde tamén ás esixencias en materia de austeridade e de adelgazamento da estrutura administrativa.
CONSELLOS ESCOLARES
Tamén está previsto que na vindeira sesión plenaria da Corporación cervense, prevista para o xoves 24, se proceda a designación dos novos representantes municipais nos Consellos Escolares dos centros educativos da localidade, tras o inicio do novo curso escolar. Yolanda Pedreira será a representante do Concello no colexio público da capital municipal (CEIP de Cervo), Pilar Armada será quen asuma estas funcións no centro recentemente agrupado de San Ciprián (CEIP Nº1) e Chelo Gallego será a representante do Concello no instituto local (IES Marqués de Sargadelos.)
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
