BURELA (FNC) .- A Delegación de Turismo, da que é responsable José González Legazpi, ven de establecer as liñas de cooperación coa Sociedade Cultural Deportivo Recreativa Palestina “co fin de aproveitar a súa práctica deportiva para a promoción turística do Concello de Burela”. A campaña que será presentada nos vindeiros días abarca a tempada de fútbol sala 2009-2010 na liga autonómica.
González Legazpi sinala que “considerando que as institucións municipais poden e deben establecer criterios no senso de pluralizar condicións positivas de reciprocidade, de tal xeito que as medidas de apoio aos diferentes sectores locais para o seu normal desenvolvemento acheguen tamén no posible aspectos favorables aos concellos, dende a Delegación de Turismo de Burela e xunto coa Delegación municipal de Deportes temos establecido un acordo de cooperación coa Sociedade C.D. R. Palestina, de tal xeito que o lema Burela Turística é a denominación oficial do equipo de fútbol sala que participa na liga autonómica nesta tempada 2009-2010”.
O edil de Turismo destaca “a importancia desta nova posibilidade de divulgación turística municipal, que terá repercusión dentro da nosa comunidade autónoma e por tanto reforzará con seguridade os aspectos turísticos de proximidade do Concello de Burela, ao tempo que mellorará tamén ás condicións de desestacionalización necesarias para a potenciación do turismo de condición permanente”. González Legazpi agradece “a boa disposición da Sociedade C.D.R. Palestina para acadar este acordo polo que o equipo de fútbol sala dependente desta organización asociativa levará por toda Galicia a denominación Burela Turística e desexo tamén que a súa andaina na nova categoría autonómica sexa positiva de cara aos intereses de progresión deste clube que está a facer un meritorio traballo deportivo e tamén no senso de incrementar as posibilidades de Burela como destino turístico dentro da comarca da Mariña”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
