MONDOÑEDO .- O Presidente da Deputación, José Ramón Gómez Besteiro, desprazouse este xoves a Mondoñedo onde asinou, xunto co Alcalde da localidade, Orlando González, dous importantes convenios para este municipio. No primeiro deles, o Concello de Mondoñedo súmase ó novo Sistema Provincial de Recadación co que xa son 49 os municipios da provincia que se benefician desta liña de cooperación posta en marcha polo actual equipo de goberno.
Gómez Besteiro subliñou que “os Concellos que xa están no novo sistema dispoñen cada mes de preto de 1,2 millóns de euros grazas ós anticipos do 90% sobre os cálculos de recadación”. Para o titular da institución provincial “é moi importante que as Entidades Locais dispoñan de liquidez para poder prestar servizos ós seus veciños, e máis nunha etapa especialmente complicada coma a actual”.
Ademais, dixo que o novo sistema tamén supón un importante aforro para as arcas municipais. Segundo apuntou, coa redución á metade da taxa, que pasou do 6 ó 3%, estes municipios aforran 500.000 euros ó ano.
Polo que atinxe a Mondoñedo, ata o de agora tan só tiña delegada a recadación do Imposto de Actividades Económicas. Coa sinatura do convenio, tamén se inclúen os impostos de vehículos e de bens inmobles.
Convenio de rehabilitación da zona monumental
A Deputación contribuirá á rehabilitación da zona monumental de Mondoñedo grazas ó outro convenio de colaboración asinado hoxe polo Presidente provincial e o rexedor, cumprindo así o compromiso asumido por Gómez Besteiro na visita que fixo ó municipio mindoniense no mes de xullo.
O acordo permitirá a construción dun aparcadoiro público na Alcántara, completando as obras de urbanización desta zona prevista no Plan de Rehabilitación do Ministerio de Vivenda. A Deputación investirá 47.000 euros neste proxecto, o que representa o 45% que debía aportar o Concello.
Gómez Besteiro sinalou que “deste xeito, a Deputación colabora, por unha banda, na rehabilitación dunha das zonas monumentais máis importantes da provincia e, por outra, alivia ás arcas municipais do desembolso previsto no Plan do Ministerio”.
Coa construción deste aparcamento, proporcionarase servizo ós traballadores e usuarios dos xulgados de Mondoñedo e desconxestionanse algunhas zonas de estacionamento que na actualidade ocupan parte dos espazos públicos máis significativos do conxunto histórico da cidade.
En 1999, a través do Plan de Rehabilitación do Concello, dotado con 1,5 millóns de euros e subvencionado polo Ministerio de Vivenda nun 55%, acometeuse a restauración da Capela e dos accesos das principais rúas do centro histórico. Quedou pendente a construción do aparcadoiro, que ten un custe total de 103.000 euros. Deste xeito, e debido ós problemas de liquidez que está a ter a Entidade Local, a Deputación colabora co Concello co fin de revitalizar a zona máis emblemática deste Concello.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
