SANTIAGO.- A conselleira de Sanidade, Pilar Farjas, indicou sobre as previsións da Xunta de Galicia respecto do mantemento da área sanitaria da Mariña lucense, coñecida tecnicamente como Cevo-Burela que quen afirme que o goberno pretende suprimir a área sanitaria da Mariña lucense “minte intencionadamente” e engadeu que o Hospital da Costa será reforzado tanto en servizos coma en especialización e autonomía, según indica en nota de prensa.
Nota de Prensa
A conselleira de Sanidade, Pilar Farjas, reiterou no Parlamento que en ningún momento a Xunta planeou modificar o mapa sanitario de Galicia, polo que quen afirme que o Goberno pretende suprimir a Área Sanitaria da Mariña lucense “minte intencionadamente”. Asegurou, en cambio, que o Hospital da Costa -en Burela- non só será a referencia sanitaria da Mariña, senón que será reforzado tanto en servizos coma en especialización e autonomía.
A conselleira avanzou que será un hospital “mellor e máis completo” que na actualidade. “Foi un goberno do Partido Popular quen creou o Hospital de Burela e será un goberno do Partido Popular quen o reforce”, subliñou.
Así, explicou que na actualidade xa se están a preparar dúas obras para potenciar este centro, cun investimento que supera o millón de euros. A primeira delas abrangue a área de hospitalización de obstetricia e a remodelación dos paritorios, e a segunda refírese ao cambio que cómpre facer na cuberta de fibrocemento e na rampla de acceso. Segundo dixo, da primeira das actuacións xa está preparado o proxecto arquitectónico e adxudicada a obra, e, no segundo caso, estase a elaborar o proxecto.
“Os burelenses e todos os mariñenses teñen o compromiso desta conselleira cos seus servizos e coa ampliación dos mesmos”, declarou Pilar Farjas, quen informou que xa se está a citar aos 1.500 pacientes que tiñan as súas peticións de cita “nos caixóns” do Hospital da Costa, e que deu instrucións para que isto se faga no menor tempo posible.
Tamén sinalou a posta en marcha do programa de consultas de alta resolución de Cardioloxía como actividade extraordinaria, o primeiro que vai facer o hospital de Burela, co obxectivo de garantir aos cidadáns desa zona unha asistencia eficaz en tempo e forma, “dada a importante bolsa de pacientes non rexistrada neste servizo coa que se atopou o novo equipo directivo”.
Na súa intervención, Pilar Farjas acusou á oposición de intentar confundir á opinión pública e lembrou que o anterior Executivo tiña previsto incorporar a Área Sanitaria da Mariña á de Ferrol, mentres que o actual está a apostar pola súa viabilidade e sostenibilidade; e pola continuidade asistencial entre Atención Primaria e Especializada, urxencias e sociosanitario.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
