A MARIÑA .- A Consellería de Educación e Ordenación Universitaria está a desenvolver o Plan de mellora de bibliotecas escolares en centros públicos non universitarios de titularidade pública, para o curso 2009/2010. Segundo explica a deputada popular Emma Álvarez Chao esta axuda permitirá a un total de 13 bibliotecas mariñás mellorar a súa dotación e promover actividades de dinamización. A Administración educativa inviste un total de 54.700 euros nesta acción destinada a varios centros educativos da nosa comarca.
No Diario Oficial de Galicia aparece publicada a relación de centros beneficiarios entre as que cabe salientar os seguintes concellos da Mariña lucense:
Centros participantes no plan de mellora de Bibliotecas Escolares
no 2005,2006 e 2007:
CEIP do Castro de Ouro Alfoz ——— 600 €
CEIP Vista Alegre Burela ————– 1.400 €
CEIP de Cervo Cervo ——————- 1.400 €
IES de Foz Foz ————————— 1.500 €
María Sarmiento Viveiro —————- 1.200 €
Centros participantes no plan de mellora da Bibliotecas Escolares
no 2008:
IES Monte Castelo Burela ——— 4.300 €
CEIP de Covas Viveiro ————- 4.000 €
Centros que se integran no Plan de mellora de bibliotecas escolares para o curso 2009/2010
CEIP Virxe do Carme Burela ——— 6.800 €
IES Perdouro Burela ——————— 6.800 €
CEIP O Cantel Foz ———————– 6.300 €
IES San Rosendo Mondoñedo ——— 6.800 €
CEIP Antonio Pedrosa Latas Viveiro — 6.300 €
IES Vilar Ponte Viveiro ——————- 7.300 €
ORGANIZAR, ACTUALIZAR E DINAMIZAR A BIBLIOTECA ESCOLAR
O Plan de mellora de bibliotecas escolares que se desenvolverá durante este curso ten como obxectivo incentivar a organización, actualización e dinamización da biblioteca escolar. Ademais Educación continúa coa liña de axudas a aqueles centros xa integrados no programa en anos anteriores que, segundo un seguimento realizado pola Consellería, están a realizar un traballo coherente e axustado aos compromisos adquiridos, camiñando cara á consolidación destes recursos educativos ao servizo das súas respectivas comunidades escolares.
A BIBLIOTECA UN ESPAZO MÁIS PARA O ENSINO APRENDIZAXE
O plan pretende incentivar e impulsar a elaboración e posta en marcha de proxectos de biblioteca para que sexan un espazo máis na tarefa do ensino aprendizaxe; ademais pretende financiar a realización de actividades de formación dos usuarios e educación documental; o papel da biblioteca na elaboración e desenvolvemento do proxecto lector do centro; o fomento da lectura; a compensación das desigualdades sociais; e a dinamización cultural na comunidade escolar.
SOCIEDADE DA INFORMACIÓN
A Lei Orgánica de Educación fai referencia á necesidade de prestar unha atención prioritaria ao conxunto de factores que favorecen a calidade da ensinanzas, como a dotación de recursos educativos, o fomento da lectura e o uso de bibliotecas. A Administración educativa é consciente de que a biblioteca serve de canle para a integración nos centros educativos das tecnoloxías da comunicación e ofrece a posibilidade dun acceso igualitario.
Este espazo constitúe un recurso imprescindible para a formación do alumnado na actual sociedade da información que demanda cidadáns dotados de destrezas para a consulta eficaz das fontes, a selección crítica das informacións e a construción autónoma do coñecemento.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
