LUGO .- Máis de 300 persoas participan esta semana no programa medioambiental da Deputación. Ademais da ruta “Oleiría de Bonxe”, que se estrea na iniciativa que promove o organismo provincial, os destinos elixidos polos participantes son a Terra Chá, A Mariña, o Courel e a Ribeira Sacra.
NOTA DE PRENSA
A ruta “Oleiría de Bonxe”, protagonista por primeira vez en Km0
– Máis de 300 persoas participan esta semana no programa medioambiental da Deputación
– A Terra Chá, A Mariña, o Courel e a Ribeira Sacra son os outros destinos das seis rutas organizadas dentro da iniciativa provincial
Máis de 300 persoas redescubrirán esta semana a provincia a través do programa medioambiental da Deputación Km0. Ademais da ruta “Oleiría de Bonxe”, que se estrea na iniciativa que promove o organismo provincial, os destinos elexidos polos participantes son a Terra Chá, A Mariña, o Courel e a Ribeira Sacra. A Vicepresidenta Segunda do organismo provincial, Lara Méndez, recibiu este martes no Pazo de San Marcos, a dous grupos, un da Asociación de Mulleres de San Cibrao e a outro da Asociación Cultural “O Morelle” de Sarria, dentro do programa co que a Deputación pon en valor a riqueza medioambiental e paisaxística da provincia.
No primeiro caso, 48 veciños da localidade mariñana de San Cibrao desprazaranse ata a Terra Chá, onde visitarán os Lagos de Teixeiro, a canteira de Lourixe e o Castro de Viladonga. Tamén coñeceron o Centro de Interpretación Terras do Miño.
Asimesmo, 55 integrantes do colectivo sarriano, decantáronse pola Mariña, concretamente polo Concello de Ribadeo, onde percorreron o Centro de Cultivos Mariños, o Convento de Santa Clara e fixeron unha travesía marítima pola ría. Antes de desprazarse ó norte da provincia coñeceron as instalacións da Granxa Gayoso-Castro, nas que o vindeiro ano o organismo provincial construirá o Centro de Recría
O mércores, 48 membros da Asociación Veciñal “Os Colitos” de Outeiro de Rei elixirán a ruta do Courel, que inclúe unha visita ós Castros de Vilar e da Torre, e á aldea de Seceda. Ese mesmo día, 55 integrantes da Asociación de Pensionistas e Xubilados de Pol viaxarán ata Viveiro, onde coñecerán o eucaliptal de Chavín e o Convento de Valdeflores. Tamén subirán ó Monte de San Roque.
O xoves, 48 estudantes do CEIP de Antas de Ulla estrearán a ruta “Oleiría de Bonxe”, que inclúe unha vista á Lagoa de Caque e ó aeródromo de Rozas, así como ó museo arqueolóxico de San Roque. Pola súa banda, 44 membros do clube de lectura do IES “Santiago Basanta Silva” de Vilalba, desprazaranse ata a Ribeira Sacra. Logo de seren recibidos na Deputación e de visitar o Mazo de Santa Comba, farán un percorrido en catamarán por Amandi e unha ruta de sendeirismo pola localidade de Pena do Castelo.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
