BURELA (FNC) .- O alcalde de Burela, Alfredo Llano, considera que dentro dun mes podería enviarse un primeiro informe do plan xeral de ordenación municipal á Xunta de Galicia.
O rexedor fixo un balance da exposición que onte efectuaron os técnicos de OTEA diante da Corporación Municipal. Llano sinalou que “a explicación que nos deron estivo moi ben argumentada, onde viñeron decir que aproveitarán todo o que está feito, tentarán agrandar ó máximo posible a zona urbana consolidada, e tratar de desafectar o máximo posible tamén. Hai que darse conta que estamos afectados por Feve, por Costas, pola variante e estamos en principio semiafectados polo corredor que vai a Ferrol. Polo tanto debido á complexidade do noso concello non é moi doado facer un plan xeral, sin embargo o que teñen analizado e explicado perfectamente é respectar o que está feito, ir facendo dito plan mazá por mazá de tal xeito que non reste importancia nin valor a todo o que hai agora mesmo”.
Alfredo Llano conta que “dentro dun mes se mandará un primeiro informe á Xunta para ver si vamos facendo ben as cousas, e si todo está correcto nun prazo de seis meses pasaráse a un primeiro avance, primeira aprobación, explicación ó público polos barrios… e alegacións ou suxerencias que os veciños poidan aportar. Se está a traballar ben para que Burela quede o mellor posible tanto para agora como para o futuro, porque lóxicamente esto hai que calcúlalo para moito tempo”.
Pleno o xoves
No pleno previsto para o xoves no Concello someteráse a aprobación o regulamento do sistema municipal de arquivos de Burela, “tamén vai a aprobación inicial da modificación da ordenanza reguladora da taxa por ocupación de terreos de uso público. Refírese ás terrazas de restaurantes e bares que se montan no verán e ó longo do ano e o que se pretende é darlle un valor determinado a diversas zonas, coma a marítima ou as prazas, pero o que é a taxa base non vai subir nin moito menos”, explica o alcalde.
Alfredo Llano engade que “tamén se aprobará a modificación da ordenanza reguladora da taxa por ocupación de columnas, carteis e outras instalacións… non había unha normativa clara no Concello sobre ocupación por publicidade e o que tratamos é de elaborar unha taxa reguladora para estas cuestións que son importantes tanto para o Concello como para as empresas que queiran poñer publicidade. Outra cuestión que vai ó pleno de pasado mañá e a aprobación, si procede, da creación e composición da comisión de análise e seguimento dos traballos de elaboración do plan xeral. Teremos unha comisión que iremos convocando a medida que vaia sendo necesario, eso non quita que sigamos a ter encontros como o celebrado onte no Concello”.
A contratación de suministración de enerxía eléctrica proposta pola Deputación de Lugo tamén se abordará na sesión plenaria do 29 de outubro en Burela. Alfredo Llano explica que “existe un convenio promovido pola Deputación entre os Concellos da provincia para que entre todos poidamos contratar unha distribuidora eléctrica. Nós xa temos firmado cunha compañía, pero eso non quita que para o ano que ven en xullo cando remate o noso contrato poidamos meternos neste convenio porque todo o que sexa aforrar cartos en enerxía será bó para todos”
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
