Nota de Prensa
O Presidente do PPdeG e da Xunta de Galicia Alberto Núñez Feijoo será o encargado de clausurar o cónclave que congregará a preto dun milleiro de persoas no auditorio Gustavo Freire da cidade de Lugo
MÁIS DUN CENTENAR DE COMPROMISARIOS REPRESENTARÁN AO PP DA MARIÑA NO XV CONGRESO PROVINCIAL QUE SE CELEBRA ESTE SÁBADO
* José Manuel Barreiro opta á reelección para presidir o Partido Popular de Lugo despois de que a súa candidatura fora avalada pola totalidade dos alcaldes e voceiros populares da provincia. O candidato xa adiantou que proporá ao deputado mariñao Jose Manuel Balseiro como secretario xeral.
* A formación política popular márcase como prioridades promover o debate interno e aportar ideas para superar a crise.
A Mariña, 30 de outubro de 2009.- 102 compromisarios representarán aos afiliados e simpatizantes das distintas agrupacións locais do Partido Popular da Mariña no XV Congreso Provincial que esta formación política ten previsto celebrar no día de mañá, a partir das 10.00 horas, no auditorio Gustavo Freire da cidade de Lugo. A este número hai que engadir 10 compromisarios máis que acudirán a este cónclave en representación das Novas Xeracións, así como aos compromisarios natos, membros da Xunta Directiva do Partido Popular de Lugo e da Comisión Organizadora do Congreso.
A nosa comarca é unha das que maior peso específico ten no conxunto da provincia como resultado do reparto establecido pola Xunta Directiva Provincial que se realizou en función do número de afiliados e dos resultados electorais obtidos nas pasadas eleccións autonómicas. Ademais un mozo de novas xeracións Daniel Vega, de Ribadeo, forma parte dos redactores da ponencia “Lugo, a nosa prioridade” que coordina o deputado Jaime Castineira e coa que se pretenden establecer as liñas estratéxicas e de xestión do PP nos vindeiros anos.
O XV Congreso dos populares lucenses tamén ten previsto elixir á nova executiva. Xa está confirmada a continuidade de José Manuel Balseiro (que proseguirá exercendo as funcións de secretario xeral), no máis que probable caso de que a candidatura que encabeza Jose Manuel Barreiro obteña o apoio dos compromisarios. O actual presidente, opta á reelección co apoio da totalidade dos alcaldes, voceiros e presidentes locais, deputados provinciais, autonómicos e nacionais e senadores, así como de membros natos significativos como o conselleiro de Medio Rural Samuel Juárez ou a delegada da Xunta en Lugo Raquel Arias
SUPERAR A CRISE, RENOVAR IDEAS
A formación política popular márcase como obxectivo do seu decimo quinto cónclave promover o debate interno e aportar ideas para superar a crise. “Centrados nas necesidades e prioridades dos lucenses, buscamos achegar fórmulas válidas para superar a situación actual fronte ao inmobilismo e a falta de reacción dos Gobernos socialistas e nacionalistas”. Ao mesmo tempo analizarán e avaliarán o informe de xestión, que reflectirá o crecente apoio popular, máis significativo nos últimos comicios autonómicos e europeos. Do seu congreso, os populares lucenses esperan saír fortalecidos, e co impulso, as ideas e os equipos necesarios para traballar sen descanso no obxectivo de recuperar o goberno da Deputación Provincial e acadar novas victorias nas próximas eleccións municipais.
FEIJOO, NA CLAUSURA
O XV congreso provincial do Partido Popular de Lugo será clausurado polo Presidente do PPdeG Alberto Núñez Feijoo, arroupado polo milleiro de persoas que se prevén asistan ao cónclave. Tamén está prevista a intervención do resto dos presidentes provincias do PPdeG e do presidente fundador do partido, Manuel Fraga.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
