Santiago .- A Consellería do Mar incrementará en 3,3 millóns de euros o importe destinado a mellorar o servizo de rescate aéreo, ao dotar ao Pesca I e II dunha dobre tripulación e dun modelo de mantemento ecualizado “que permita dar máis operatividade aos medios aéreos”.
Nota de Prensa
Esta partida axudará a reforzar a base de Celeiro cunha dobre garda
MAR DESTINARÁ 3,3 MILLÓNS DE EUROS MÁIS AO SERVIZO AÉREO DE RESCATE
* A partida supón un 75% máis que o ano pasado, o que pon de manifesto o compromiso da Xunta coa seguridade marítima
* Rosa Quintana asegurou que o sistema mellorará cunha dobre tripulación e un novo modelo de mantemento
* A Consellería do Mar esixirá responsabilidades á concesionaria do servizo aéreo de rescate ao non substituír o helicóptero de Celeiro que estaba avariado
Santiago, 28 de outubro de 2009.- A conselleira do Mar, Rosa Quintana, explicou hoxe ante a Cámara que o seu departamento destinará 3,3 millóns de euros máis que no anterior orzamento a mellorar o servizo de rescate aéreo, ao dotar ao Pesca I e II dunha dobre tripulación e dun modelo de mantemento ecualizado “que permita dar máis operatividade aos medios aéreos”.
A conselleira asegurou que o mantemento que ata agora se fixo dos dous helicópteros de salvamento da Xunta “non era o máis axeitado para ter a máxima operatividade nos voos” e lembrou que “co modelo anterior tanto o Pesca I como o Pesca II quedaban inoperativos 3 meses ao ano cada un, co que Galicia quedaba cun helicóptero dispoñible en moitos momentos”.
Respecto dos motivos polos que o Pesca II permaneceu inoperativo, Rosa Quintana explicou no Parlamento que a causa foi a prolongación, máis do previsto, da reparación dunhas avarías. “Dado que a concesionaria do servizo aéreo de rescate non o substituíu ao terceiro día, tal e como debía facer, os servizos xurídicos da Consellería están a estudar a aplicación das penalizacións pertinentes” dixo, e lembrou que “as condicións contratadas para a operatividade dos medios aéreos mingua a capacidade potencial dos helicópteros especialmente no tinxinte ás revisións”.
Rosa Quintana asegurou que a situación de disposición dos medios aéreos dos Gardacostas de Galicia mellorará co aumento en dobre tripulación e cun mantemento ecualizado, un modelo “máis operativo e que permitirá detectar os fallos moitos antes”, dixo. Este cambio de sistema contémplase nos orzamentos para o 2010 en materia de seguridade marítima, un dos piares básicos da Consellería do Mar.
Dende a Consellería do Mar lémbrase que o Pesca II estará operativo as 24 horas do día e os 365 días do ano nas primeiras semanas do 2010. O reforzo de profesionais en Celeiro permitirá que as dúas aeronaves de salvamento dependentes da Xunta estean a 25 minutos de voo de calquera punto costeiro da comunidade, dado que o Pesca I con base en Vigo tamén dispón, dende mediados deste ano, dunha segunda tripulación.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
