CERVO .- O concelleiro de Deportes do Concello de Cervo, Rubén Fernández, asegura que a auga do vaso da piscina municipal de Lieiro cumpre todos os requisitos legais sanitarios esixibles e posúe todos os informes sanitarios en regra. Rubén Fernández dixo que o Concello de Cervo leva traballando dende hai meses para potenciar esta infraestrutura que se materializarán nas vindeiras datas
Nota de Prensa
A PISCINA MUNICIPAL DE LIEIRO POSÚE TODOS OS INFORMES SANITARIOS EN REGRA
* Rubén Fernández dixo que o Concello de Cervo leva traballando dende hai meses para potenciar esta infraestrutura que se materializarán nas vindeiras datas
* O delegado de Deportes local recordou que ao longo da última lexislatura o Concello de Cervo pedira reiteradamente axudas ao goberno bipartito da Xunta para adecuar as instalacións, pero fóronlle denegadas
Cervo, 20 de outubro de 2009. O concelleiro de Deportes do Concello de Cervo, Rubén Fernández, asegurou hoxe que a auga do vaso da piscina municipal de Lieiro cumpre todos os requisitos legais sanitarios esixibles e cualificou as criticas dos membros do grupo municipal socialista sobre esta infraestrutura de “patrañas alarmistas que só buscan infundir o medo entre os usuarios”.
Fernández Rouco lembroulles aos socialistas que moitos dos veciños do municipio -entre os que se atopan os integrantes do grupo de Goberno municipal- sempre mantiveron que a construción desta infraestrutura era unha obra faraónica. “No noso entender esta piscina fíxose sen ter en conta os custes de mantemento que carrexaría. Isto é algo que os socialistas aínda teñen pendente de explicarlle á cidadanía. Na actualidade manter este servizo supón un gasto moi alto para as arcas municipais e pese a iso estamos a garantir o seu uso público en interese dos veciños, porque lonxe de ser un problema, esta piscina constitúe toda unha satisfacción e un luxo para todos os cervenses, excepto para os socialistas, que só se acordan dela para criticala”.
O delegado de Deportes local recordou que ao longo da pasada lexislatura autonómica o Concello de Cervo pedira reiteradamente axudas ao goberno bipartito da Xunta para adecuar as instalacións, pero fóronlle denegadas “porque a vontade daquel goberno da Xunta era a de non facer nada en Cervo e incluso, eliminar aquelo que xa estaba conformado”.
Do mesmo xeito referiuse aos apoios económicos recibidos pola Deputación, os cales cualificou de “desvergoñadamente inexistentes”. Sobre todo, segundo Rubén Fernández, tendo en conta que outros concellos coma Viveiro ou Becerreá “onde responsables provinciais forman parte dos gobernos locais” teñen recibido axudas superiores aos 500.000 euros en materia deportiva “e a nós lévannos ninguneando, a pesares de que a vicepresidenta é tamén concelleira desta corporación, o cal ven a demostrar a súa nula influencia nesta institución provincial e o desinterese que ten cos veciños do seu municipio”.
Potenciación do servizo
Rubén Fernández dixo que o Concello de Cervo leva traballando dende hai meses para potenciar a piscina de Lieiro, “por iso non me estrañaría nada que ao Psoe lle chegaran estas informacións e se descolgara agora con estas acusacións alarmistas para tentar tapar así a súa nula colaboración a prol desta infraestrutura”. Neste senso asegurou que o Concello leva mantendo reunións de xeito regular coa Secretaría Xeral para o Deporte para intentar desenvolver as melloras precisas nestas instalacións municipais, “e en vindeiras datas estes traballos verán a luz” asegurou.
Por último, o concelleiro de Deportes lamentou a manipulación dos socialistas en todo o que se refire á piscina de Lieiro e criticou que tiveran que ser sempre os cidadáns os que paguen as consecuencias da súa falta escrúpulos.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
