CERVO .- O Concello de Cervo acondicionou unha superficie de 1.596 metros cadrados nas zona da ponte medieval de Lieiro creando “unha nova área de esparexemento á beira do río Cobo”. As obras de recuperación e mellora consistiron na tala das especies invasoras (eucaliptos) na marxe do río, desbroce da maleza existente, uniformado do terreo, movemento e aporte de terra e rexeneración herbácea mediante céspede rústico de toda a área. Así mesmo acometeuse a restauración do muro e dotouse de mobiliario urbano con catro mesas de madeira tratada cos seus respectivos bancos e diversas papeleiras ao longo de toda a área.
Nota de Prensa
O CONCELLO RECUPERA O CONTORNO DA PONTE DE LIEIRO PARA O LECER DOS CIDADÁNS
* A remodelación da zona posibilitou a creación dunha nova área de esparexemento á beira do río Cobo de 1.596 metros cadrados
Cervo, 14 de outubro de 2009.- O Concello de Cervo ven de acometer a mellora medioambiental da zona da ponte medieval de Lieiro co obxecto de recuperar o seu valor paisaxístico a través da creación dunha nova área de lecer que permitirá a promoción de actividades de esparexemento integradas co medio ambiente.
A zona obxecto de actuación ten unha superficie de 1.596 metros cadrados na que se diferencian dúas zonas: a Oeste, que se caracteriza por abundantes afloramentos rochosos e vexetación herbácea; e a zona Este, a cal presenta unha pendente entorno ao 30 % até a beira do río Cobo, na que existen pés diseminados de árbores autóctonas (castiñeiros, loureiro e fresnos) acompañados de pés de eucalipto e abundante maleza. Ámbalas dúas zonas atópanse separadas por un muro de pedra de 30 metros lineais en estado semi-ruinoso e polo denominado camiño á ponte romana, que conta cunha lonxitude de 150 metros e un ancho medio de 3 metros, o cal presentaba igualmente un estado de abandono.
As obras de recuperación e mellora consistiron na tala das especies invasoras (eucaliptos) na marxe do río, desbroce da maleza existente, uniformado do terreo, movemento e aporte de terra e rexeneración herbácea mediante céspede rústico de toda a área. Así mesmo acometeuse a restauración do muro e dotouse de mobiliario urbano con catro mesas de madeira tratada cos seus respectivos bancos e diversas papeleiras ao longo de toda a área.
Alfonso Villares, alcalde de Cervo, sinalou que esta actuación era unha das principais demandas dos veciños da parroquia de Lieiro e lembrou que en abril do ano pasado xa se comprometera cos representantes da asociación veciñal deste núcleo a levar adiante a recuperación deste entorno, “un dos enclaves máis senlleiros do noso municipio”. Neste senso Villares reiterou que un dos obxectivos do actual Goberno local é continuar co traballo iniciado en anos anteriores co proxecto Terras de Azul Cobalto “e tentar facer de todo o termo municipal unha gran área verde como signo distintivo da calidade de vida da que gozan os seus cidadáns”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
