NOTA DE PRENSA
Así o explica Gregorio Martínez Garrido, director do Gabinete de Rubalcaba en clara contradición das palabras de Antón Louro quen, na súa visita á Mariña o pasado mes de setembro, anunciou que este servizo sería “unha realidade nos próximos meses”
INTERIOR DESMINTE AO DELEGADO DO GOBERNO E CERTIFICA POR ESCRITO QUE NON HAI PRAZO PARA DOTAR Á NOSA COSTA DA GARDA CIVIL DO MAR
* Segundo o PP o Goberno socialista de Zapatero non só castiga á nosa comarca cos orzamentos xerais do Estado senón tamén privándonos deste servizo básico para garantir a seguridade das nosas costas.
* Os populares creen que o Delegado do Goberno en Galicia debera rectificar publicamente as súas palabras ou refutar a decisión do Ministerio e lembran que tanto a Xunta de Galicia como moitos dos Concellos da Mariña aprobaron distintas mocións instando ao Executivo central á posta en marcha deste servizo impulsado cando o PP tiña a responsabilidade de Goberno en Madrid e en Viveiro.
A Mariña, 02 de outubro de 2009.- Cando o día 9 do pasado mes de setembro o Delegado do Goberno, Antón Louro, visitou varias localidades da Mariña aproveitou para anunciar, en resposta ás preguntas dos xornalistas, que a posta en marcha na nosa comarca da Guarda Civil do Mar “sería unha realidade nos próximos meses”. Hoxe o Ministerio do Interior vén de desmentir por escrito as palabras do máximo representante do Goberno socialista de Zapatero na nosa comunidade. Segundo deu a coñecer o Partido Popular o departamento ministerial que dirixe Alfredo Pérez Rubalcaba elaborou unha carta na que recoñece que non hai prazo para dotar á nosa costa deste servizo.
A misiva, asinada polo Director do Gabinete do Ministerio do Interior, Gregorio Martínez Garrido, e dirixida a todos os concellos que aprobaron nos seus respectivos plenos a moción do Grupo Municipal Popular, instando ao reforzo dos medios de vixilancia e control dispostos polo Goberno central no litoral mariñao, corrobora –en opinión dos populares- que o Executivo do socialista Zapatero non só castiga á nosa comarca nos orzamentos xerais do Estado, senón tamén “continúa privándonos de servizos que xa deberan estar operativos fai catro anos de cumprirse as previsións”.
A MESMA ESCUSA UNHA E OUTRA VEZ
O Ministerio do Interior volve a empregar a mesma escusa que xa fixo pública no pasado en resposta a unha iniciativa da senadora do PP, Mariña Gueimunde. O departamento que dirixe Alfredo Pérez Rubalcaba xustifica a súa decisión de non despregar o persoal e o material necesario para a posta en marcha da Garda Civil do Mar na Mariña nas necesidades de dotar deste servizo marítimo de seguridade ás Illas Canarias.
Xunto a iso, insiste que a costa da nosa comarca xa está cuberta e vixiada pola Garda Civil da Coruña. Os populares lembran a este respecto que a Mariña nunca foi prioridade para o Goberno de Zapatero e que, malia profesionalidade e esforzo dos efectivos da Benemérita con base na provincia veciña, non é doado nin factible desde o punto de vista da correcta protección, vixilancia e control operar nun espazo tan amplo con máis de 1.100 quilómetros de costa, si sumamos o litoral da Coruña (956 Km) ao de Lugo (144 Km)
RECTIFICACIÓN E REORIENTAR AS PRIORIDADES
Os populares creen, despois de coñecerse a postura do Ministerio do Interior, que o Delegado do Goberno en Galicia debera rectificar publicamente as súas palabras ou traballar para emendar a decisión do departamento de Rubalcaba. Tamén lembran que tanto a Xunta de Galicia –que anunciou que tramitaría unha queixa formal polo estado de esquecemento deste servizo- como moitas das Corporacións municipais da Mariña aprobaron distintas mocións instando ao Executivo central á posta en marcha da Garda Civil do Mar, peticións que hoxe o Goberno de Zapatero despreza.
Neste momento as instalacións da Garda Civil do Mar sitas no porto deportivo de Viveiro continúan sen contar coas dotacións de pesonal e material necesarias. Un servizo como este, impulsado cando o PP tiña a responsabilidade de goberno tanto en Madrid como no propio Concello de Viveiro, forma parte da evidencia máis rotunda do esquecemento do Executivo socialista coa Mariña. As continuas contradicións entre os distintos responsables do Goberno de Madrid levan á incerteza á hora de coñecer cales serán as previsións reais do Ministerio do Interior que, por outra banda, elude dar un prazo ou horizonte temporal preciso para a posta en marcha deste servizo.
A todo isto hai que engadir as denuncias feitas públicas por diversas asociacións profesionais do Instituto Armado que alertaban das pésimas condicións nas que tiñan que realizar o seu traballo –sen luz, sen auga, sen medios- aqueles axentes que, dun xeito puntual, facían uso das instalacións que o Servizo Marítimo da Garda Civil mantén pechadas durante a maior parte do tempo, no porto deportivo de Viveiro.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
