NOTA DE PRENSA
O GMPP afirma que os postos de traballo que anuncia o alcalde están financiados pola Xunta.
Os populares pídenlle que non minta e diga a verdade.
O PP recurre as bases para a contratación dun posto do GRUMIR.
O GMPP de Burela afirmou hoxe a través dunha nota de prensa que os once postos de traballo que se van cubrir, anunciados antonte polo alcalde, están financiados ó cento por cento pola Xunta, o que demostra que a Xunta de Núñez Feijoo non discrimina a ninguén, e que, en contra do que afirma o alcalde nos plenos, a Xunta está apostando por colaborar cos concellos e crear emprego, porque a Xunta está actuando con responsabilidade.
Os populares consideran que o alcalde, unha vez máis, e van moitas, enganou ós cidadáns, porque a nota feita pública polo alcalde está escondendo que quen aporta os cartos para tal contratación é a Xunta, e non o Concello. O que debería facer é decir a verdade enteira, e non ocultar nada. Os cidadáns xa están cansos de que este home oculte, engane e minta. Peor ainda ca vagancia é a mentira e o engano.
Para os populares, o alcalde está entrando nunha espiral de confrontación coa Xunta, con declaracións subidas de tono totalmente fóra de lugar, que en nada benefician as boas relacións que deberían existi entre administracións.
O PP afirma que a Xunta tamén subvenciona a contratación dun total de cinco traballadores, a través do Plano de Cooperación, para a Confraría de Pescadores, a Fundación Camiña, e a Fundación de Discapacitados.
Por outra banda, os populares presentaron o pasado mércores un recurso no concello contra a aprobación das bases de selección de persoal para cubrir un posto de traballo no GRUMIR. Os populares consideran que o sistema de cobertura debería recoñecer a formación específica; consideran tamén que a proba práctica non está definida, e tanto pode ser escalar un edificio coma manexar un extintor, o que implica unha clara subxectividade. Ademais, os probas físicas que se piden son máis propias de deportistas ca de persoais normais. Estas e outras cuestións son as que levan ó PP a pensar en que baixo unha apariencia de legalidade se pretende “enchufar” a alguén, porque unhas bases aprobadas en Xuño para cubrir postos similares eran radicalmente distintas, e máis sensatas, cas que o PP está a recurrir.
Por último, os populares non se sorprenden que os socialistas se ofendan cando se lles fala de postos de traballo no concello e da súa política de persoal: o que se pica, allos come.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
