Nota de Prensa
O XV Congreso do PP de Lugo márcase como obxectivo promover o debate interno e aportar ideas para superar a crise
* O candidato á reelección, José Manuel Barreiro, avogou por un partido aberto e en constante renovación, no que se alente o debate de ideas, e se manteña moi próximo á cidadanía
* Salientou a relevancia da ponencia política que, coma o seu propio nome indica, Lugo, a nosa prioridade, aportará algunhas liñas de actuación para que a provincia supere a situación económica na que se atopa
* O Presidente do PPdeG Alberto Núñez Feijoo será o encargado de clausurar o cónclave que congregará a preto dun milleiro de persoas
Lugo, a 26 de outubro de 2009.- O Presidente do Partido Popular de Lugo e candidato á reelección José Manuel Barreiro presentou hoxe as liñas básicas que rexirán o XV Congreso da formación política que se celebrará o vindeiro día 31 no auditorio Gustavo Freire, indicando que o obxectivo primordial é “promover o debate interno e aportar ideas ó conxunto da sociedade”.
Neste contexto salientou a importancia da ponencia política que se vai debatir e que versará sobre a situación económica que está a vivir a provincia de Lugo. Coordinada por Jaime Castiñeira e en cuxo relatorio participaron Daniel Vega e Aurora Vila, pretende contribuir a aportar alternativas para buscar cauces que permitan reactivar a actividade económica. “Un proxecto no que temos que implicarnos todos, porque é cousa de todos e interésanos a todos remontar o antes posible esta situación de crise. O título deste informe, “Lugo, a nosa prioridade”, define perfectamente cal é e vai a ser o noso plantexamento”.
Durante a súa comparecencia, Barreiro estivo acompañado polos integrantes da mesa do congreso, que estará presidida por Joaquín García Díez. Agustín Baamonde Díaz será o vicepresidente e María Gómez Pallín, a secretaria. Begoña Gaute, Iria Fernández Álvarez, María Luisa Macia Martínez e Carlos Díaz Bande actuarán como vocais.
García Díez indicou que era “un honor” presidir o encontro e circunscribiu a súa transcendencia no feito de ser o primeiro que se celebra tras os comicios autonómicos. “A celebración deste cónclave é moi importante para a consolidación e asentamento dos cambios e renovacións iniciados, ó tempo que o paso previo para que Lugo conte coa súa Xunta Local, como antesala da organización do Partido na cidade ante as próximas eleccións municipais”, explicou.
FEIJOO, NA CLAUSURA.-
No Congreso, que será clausurado polo Presidente do PPdeG Alberto Núñez Feijoo, participarán preto dun milleiro de persoas, das que case 800 serán compromisarios (600 elexidos nas diferentes agrupacións locais en función da afiliación e os resultados acadados nas últimas eleccións autonómicas; 145 membros natos, que son os integrantes da xunta directiva provincial e da comisión organizadora do Congreso, e 30 representantes de Novas Xeracións).
José Manuel Barreiro, en calidade de candidato á reelección, iniciou a semana pasada unha ronda de reunións pola provincia, que continuará ata mediados desta, para recabar o respaldo dos compromisarios e explicarlles a liñas básicas do seu proxecto político para o Partido Popular de Lugo.
PROXIMIDADE, EIXO FUNDAMENTAL.-
Neste senso insistiu na súa visión de que a acción política debe fundamentarse na proximidade e na apertura á cidadanía. “Saber escoitar e ser capaces de dar resposta ás demandas que nos plantexan os lucenses”. Ese, segundo dixo, debe ser o principio que rixa o funcionamento do partido e nese contexto “é preciso crear os cauces internos que sexan necesarios para lograr ese obxectivo”.
Así, o proceso de renovación e actualización das xuntas locais debe, na súa opinión, continuar para “asegurarnos de que o noso partido e a súa estructura orgánica está viva”.
No que atinxe á nova executiva, sen dar nomes a maiores do xa confirmado José Manuel Balseiro (que continuará como secretario xeral), Barreiro indicou que nel combinarase renovación e veteranía. “Trátase de que a estructura do comité executivo dé resposta ás inquedanzas dos afiliados e que sexa capaz de aplicar dende as institucións ou dende os máis diversos ámbitos sociais, a línea política que emane das bases polo que adaptaremos o organigrama a ese obxectivo”, explicou.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
