CERVO .- Representantes da CIG no comité de empresa de Sargadelos manifestan o seu malestar nun comunicado público, no que indican que se están incumprindo os acordos asinados no ERE entre a empresa e os traballadores.
Segundo o sindicato acordárase que non habería despedimentos de traballadores e o día 13 de outubro despediuse ao cociñeiro, alegando que este servizo estaba sen funcionar mentres durase o ERE, pero o acordo fora que o comedor volvería abrirse en canto se volvese a unha situación de normalidade.
Nota de Prensa
Por medio da presente, as membros do Comité polo sindicato CIG, logo das asembleas celebradas, e recollendo o sentir das traballadoras e traballadores de “Fábrica de Cerámica de Sargadelos, S.L.”, , manifestan o total e absoluto malestar coa Dirección da Empresa, motivado polo reiterado incumprimento por parte da mesma dos acordos asinados no seu día, e que entre outras cousas, contemplaban o seguinte:
1º) Coa presentación do E.R.E.. por parte da Empresa e a aceptación por parte dos traballadores/as evitábase chegar a despido algún.
2º) Os traballadores/as de Sargadelos aceptaban a suspensión do servizo de comedor namentres durara o E.R.E., coa condición de que este retornaría á situación anterior.
Pois ben, o día 13 de Outubro, en pleno E.R.E., despídese a un traballador, concretamente ó cociñeiro da Empresa, o cal vulnera o anteriormente exposto no punto 1, este empregado foi afectado polo E.R.E. Tamén deciden, de forma unilateral e saltándose á toreira os acordos ós que chegaron no seu día, suprimir o servizo do comedor antes da finalización do actual E.R.E.. O restablecemento do servizo xa non se levará a termo nas mesmas condicións que se estaban a prestar antes do E.R.E., pois, co cociñeiro despedido, e supostamente amortizado o seu posto de traballo, a Dirección da Empresa substitúe o servizo contratando cunha empresa de catering.
Por todo elo as/os traballadoras/es de Sargadelos non podemos estar de acordo cunha Dirección que non está a respectar os acordos aos que se chegou cos seus traballadores/as e/ou representantes dos mesmos, e que para asombro de todos, xa se atreve a non respectar o acordado por escrito e asinado entre traballadores e Empresa, non só os acadados de palabra.
Mal precedente para negociar outro E.R.E. !!
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
