FOZ .- A delegada territorial da Xunta, Raquel Arias, realizou hoxe unha visita institucional ao concello de Foz e mantivo encontros con representantes da oposición, pertencentes ao grupo popular, e co alcalde, José María García Rivera, con quen conversou sobre os proxectos que o goberno autonómico desenvolve no municipio.
No marco da xuntanza que mantivo con rexedor, a delegada territorial comprometeuse a actuar para axilizar o proxecto da rede de abastecemento do concello de Foz, asegurando que trasladará ao conselleiro de Medio Ambiente, Territorio e Infraestruras, Agustín Hernández, as demandas realizadas polos veciños para a mellora deste servizo.
A delegada tamén sinalou que “nestes momentos estase a proceder á revisión do anteproxecto da nova EDAR”. O anteproxecto existente, de decembro de 2007, non contempla unha solución para un dos principais problemas que ten a infraestrutura que presta servizo agora, “que é o control de pluviais e de infiltración dunha rede de colectores básicamente unitaria como é a de Foz”, segundo explicou Raquel Arias.
Por tanto, estase realizando un estudio da situación segundo o establecido nas Instruccións Técnicas de Obras Hidráulicas en Galicia (ITOHG), presentadas o pasado luns. Desta maneira búscase que se contemple unha xestión apropiada destas aguas de choiva e poder deseñar unhas intervencións encamiñadas ao bo funcionamiento da EDAR que se proxecte, caso duns tanques de tormenta nos puntos apropiados. O estudo que se está levando a cabo ten por tanto como obxectivo establecer a configuración óptima do futuro sistema de saneamento e depuración de Foz, para posteriormente e en base ás súas conclusións, redactarse o correspondente anteproxecto.
Por outra parte, Raquel Arias subliñou que “a Xunta rematou recentemente ou ten en marcha proxectos na localidade que suman un investimento de 1.275.700 euros”. Entre eles, destacou varios da Consellería de Medio Ambiente, Territorio e Infraestruturas, como a construción de beirarrúas nalgúns tramos da estrada LU-152, en concreto os de San Martiño, San Acisclo e a saída hacia Ferreira do Valadouro, no que se invisten 800.000 euros. Así mesmo, procedeuse ao reforzamento do firme, repintado e mellora da drenaxe da LU-151 entre San Acisclo e Fazouro, unha actuación acometida ao amparo do Plan de Choque aprobado pola Xunta e que supón un investimento de 230.000 euros.
Por medio da liña de subvencións do Plan Urban, a Consellería de Economía e Industria facilitou a realización das obras da Rúa Constitución, consistentes no establecemento de servizos e pavimentación con adoquinado, e cuxo montante económico total supera os 200.000 euros.
Tamén a consellería de Medio Rural desenvolve actuacións no concello e ven de adxudicar en 86.000 euros os traballos de saneamento do barrio de Bargado e na pista ao porto, na parroquia de Fazouro. Este proxecto forma parte do plan de infraestruturas no medio rural. As relacións de colaboración esténdense tamén cara a outros ámbitos, como as actividades dirixidas á mocidade ou os programas de fomento do emprego.
Raquel Arias e García Rivera tiveron a oportunidade de falar sobre estas e outras posibles liñas de colaboración e proxectos a desenvolver no futuro, entre eles a próxima apertura da escola infantil de Foz, prevista para o primeiro trimestre de 2010.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
