RIBADEO .- O presidente da Deputación, José Ramón Gómez Besteiro, reuniuse en Ribadeo co alcalde, Fernando Suárez Barcia, para pechar os traballos que se acometerán na estrada Altar-Reinante-Os Castros. A deputación investirá 540 mil euros no acondicionamento do acceso á praia das Catedrais, proxecto que inclúe o acondicionamento de preto de 2 quilómetros da estrada CP0610.
Nota de Prensa
A Deputación inviste 540.000 euros en obras de mellora no acceso á praia das Catedrais
– Gómez Besteiro reunise co alcalde de Ribadeo para pechar os traballos que se acometerán na estrada Altar-Reinante-Os Castros
– O proxecto inclúe o acondicionamento de preto de 2 quilómetros da CP 0610
– O titular do organismo provincial anuncia a certificación medioambiental do areal das Catearais, a única praia non urbana da provincia que terá esta destinción
O Presidente da Deputación, José Ramón Gómez Besteiro, desprazouse este venres a Ribadeo para pechar co alcalde desta localidade, Fernando Suárez Barcia (BNG), as obras de mellora que o organismo provincial acometerá na estrada Altar-Reinante-Os Castros. Gómez Besteiro subliñou que “a Deputación cumpre coa palabra dada, e inviste 540.000 euros no acondicionamento do acceso á praia das Catedrais”.
O titular do organismo provincial explicou que a CP 0610 é unha estrada moi transitada, sobre todo en época estival, xa que recorre unha zona de gran interés turístico. “Por iso, o organismo provincial acomete unhas obras necesarias que hai dous meses acordamos levar a cabo para desbloquear a zona”.
A Deputación acondicionará preto de 2 quilómetros deste vial, unhas actuacións que incrementarán a seguridade dos cidadáns que accedan as praias, xa que contemplan o ensanche do vial. Os traballos inclúen ademais, a mellora do firme, a instalación de sinais horizontais e verticais, e a colocación de ollos de gato.
Certificación das praias
Gómez Besteiro salientou que “non se trata de facer da estrada provincial unha autovía, senón de acometer actuacións concretas e concertadas coa Dirección Xeral de Costas para dar un bo servizo a Praia das praias”. Neste senso, o titular do organismo provincial anunciou a certificación medioambiental do areal das Catedrais, a única praia non urbana da provincia que contará con esta distinción.
O Presidente da Deputación salientou que os técnicos da Deputación xa fixeron as medicións para que, en tres semanas, esté rematado o proxecto final da estrada Altar-Reinante-Os Castros. Agora, o organismo provincial, xunto cos alcaldes da Mariña, estudarán a certificación medioambiental da praia, un proxecto que irá en paralelo coa mellora do acceso ás Catedrais.
Pola súa banda, o alcalde de Ribadeo, Fernando Suárez Barcia, incidiu en que, deste xeito, “seguimos dando pasos en busca da mellor formula para conservar o medio medio ambiente e o patrimonio das Catearais, ao tempo que se mellora os accesos con celeridade”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
